Sherqiy Türkistanning Iqtisadi Tereqqiyat Körsetküchi Xitay Boyiche 19 – Orunda

< Tianshan tori > ning xewer qilishiche, 2 – ayning 26 – küni chüshtin burun, Xitay xelq uniwersitéti tetqiqat we bahalash merkizi, < Xitayning tereqqiyat körsetküchi > namliq doklat élan qilghan bolup, mezkur doklatta, Xitaydiki 31 ölke derijilik rayonning 2004 – yilidin 2005 – yilighiche bolghan mezgilidiki sehiye, ma’arip, turmush sewiyesi we ijtimayi mohit qatarliq 4 chong türdiki 14 körsetküch boyiche tekshürüsh élip barghan, netijisige asasen ölkiler 3 derijige ayrilghan bolup, Sherqiy Türkistan omomiy tereqqiyat körsetküchide 3 – derijidiki ölkilerge kiridiken we 31 ölke derijilik rayon ichide tereqqiyat jehette 19 – orunda turidiken.

Xitayning omomiy iqtisadining tereqqi qilishigha zit halda, Sherqiy Türkistanning iqtisadi tereqqiyati Xitay boyiche yildin – yilgha keynige chékinip mang_maqta, taki 80 – yillarning bashlirigha qeder turmush sewiyesi jehette Xitay boyiche xéli aldinqi qatarda turup kelgen Sherqiy Türkistan bolsa bügünki künde 19 – orungha chüshüp qalghan. Chünki Xitay merkizi orgini téripidin 90 – yillardin étibaren Sherqiy Türkistangha qaritip kéliwatqan iqtisadi we soda jehettin alahide étibar bérish siyasitidin pütünley digüdek Xitayning ichki ölkiliridiki chong shirket we iqtisadi gurohlar paydilinip kelmekte.

Her yili Ürümchide chaqirilidighan chégra sodisi yermenkisi jeryanida Sherqiy Türkistangha xosh’na eller bilen tüzülgen iqtisadi toxtamlarning asasliq salmiqini Xitayning ichkiri ölkiliridin kelgen chong shirketler teshkil qilmaqta.