|
Weqe Yüzbergen Poyizdiki Yoluchilar Aqsugha Élip Kélindi
< Tianshan tori > ning xewiride körsütülishiche, 2 – ayning 28 – küni Turpan
teweside Boray örüwetken poyiz we unungda saq qalghan yoluchilar, 3 – ayning
1 – küni Qasugha yétip kelgen. Eslide bu poyiz Ürümchidin 2 – ayning 27 –
küni kechte Aqsugha qarap yolgha chiqqan idi.
Xitay tömüryol ministirliki, poyizdiki yoluchilarning bilet pulini pütünley
qayturup bergen.
Bu qétimqi poyiz weqesi pütün Xitayni zil – zilige keltürgen. Xitay tömüryol
ministirlikining mu’awin ministiri Hu Ya Dongmu neqmeydangha yétip kélip,
qutquzush ishlirigha qomandanliq qilghan.
Gerche buqétim weqe yüzbergen jay Toxsun nahiyesige peqetla 70 kilométir
musapide bolsimu, emma, tunji qutqazghuchi etret ikki sa’et ötkendin kéyin
aran neqmeydangha yétip kéleligen. Qutquzush xizmitige yerlik saqchi,
qoralliq saqchi, ot öchürüsh etiretliridin, doxturlardin bolup 1000 gha
yéqin kishi qatnashqan.
Xitay metbu’atlirining xewer qilishiche, shiddetlik qara boran tüpeylidin
ilgirimu Turpan – Toqsun teweside köp qétim poyiz weqeliri yüzbergen.
2001 – yili 4 – ayda, Turpan teweside chiqqan 12 balliq qattiq boran,
kétiwatqan bir Poyizning 11 wagonini örüwetken.
2006 – yili 4 – ayning 9 – küni kechte, Ürümchidin Bei Jing’gha qarap
kétiwatqan Poyiz Turpan tewesige kirgende shiddetlik boran chiqip, poyizning
sol teripidiki derizilerning hemmisini chéqiwetken we yoluchilar derizisi
ochuq poyizda 24 sa’et yol yürüshke mejbur bolghan.
2006 – yili 4 – ayning 11 – küni, Turpan – Qumul ariliqida chiqqan qattiq
boran tüpeylidin, köpligen poyizlarning deriziliri chéqilghan, jemi 130
qétimliq tömüryol qatnishi toxtap qalghan.
|
