Bingtuanning Eng Namrat Polkidiki Xitay Déhqanlirining Yilliq Kirimi 20 Ming Yuandin Éship Ketti

Xitay hakimiyitining Sherqiy Türkistandiki Xitay köchmenlirige qaritip kéliwatqan iqtisadi jehettiki alahide étibar bérish siyasetliri, yerlik déhqanlar bilen Xitay déhqanliri otturisida iqtisadi kirim jehette nahayiti zor periqning shekillinishige sewepchi bolmaqta.

Xitay metbu’atlirida, Sherqiy Türkistanning Uyghurlar zich olturaqlashqan jenobi rayonliridiki Uyghur déhqanlirining kishi béshigha toghra kélidighan yilliq kirimi 1200 – 1500 yuan etrapida körsütülgen idi.

Bügünki künde, Bingtuan qarmighidiki eng namrat poliklarda ishlewatqan Xitay déhqanlirining yilliq kishi béshigha toghra kélidighan kirimi 2o ming yuandin éship ketken.

Mesilen, < Bingtuan géziti > ning 3 – ayning 1 – künidiki xewiride körsütülishiche, BIngtuanning yéza igilik 1 – dewiziyesining 6 – polki bolsa < Döwlet derijilik eng namrat polik > dep bekitilgen bolsimu, emma 2006 – yili bu polikning omomiy paydisi 802 ming yuange yétip, kishi béshigha toghra kélidighan yilliq otturiche kirim 20 ming 955 yuan bolghan. Yeni, Sherqiy Türkistanda eng namrat dep qaralghan Xitay déhqanlirining kirimi yerlik déhqanlarningkidin 10 hessige yéqin köp bolghan.