< Zeher we Xeterlik Buyum Bar > digen Xet Yezilghan Bak Mashinisi Ahaliler Olturaq Rayonida

< Ürümchi kechlik géziti > ning xewer qilishiche, üstidiki chong bakning ikki teripige, < Zeher we xeterlik buyum bar > digen xet yezilghan bir yük mashinisi, 2 – ayning 25 – küni kechte Ürümchidiki < Aptonom Rayonluq Tenterbiye Idarisi > ning ayililikler qorasigha toxtutup qoyulghan, mashinidiki xetni körgen ahaliler qattiq iztirapqa chüshken, etisi chüshkiche héliqi mashinini hech kim élip ketmigen, shunung bilen olturaq rayonidiki bezi kishiler < Ürümchi kechlik geziti > ge téléfun qilip ehwalni inkas qilghan, muxpir neqmeydangha yetip kélip sürüshtürgende, bu mashinining Gao pemililik bir ayal Xitaygha tewe ikenliki, shopur Jin pemililik Xitayning öyi shu rayonda bolghachqa, mashinini öyining etrapigha toxtutup qoyghanliqi melum bolghan. Mashinini kiralap ishlitiwatqan shirketning xojayinimu Xitay bolup, muxpir téléfun qilghanda, umu müjimel jawap bergen. Kéyin Xitay shopur mashinini bamalal halda heydep ketip qalghan.

Yuqarqi xewerde körsütülishiche, mashinida xeterlik boyumning bar – yoqluqi heqqide melumat bérilmigen. Muxpir Germaniyede yashawatqan bir Uyghur bu heqte özining qarashlirini otturigha qoyup, < Eger bu mashinining igisi Uyghur bolup qalghan bolsa idi, derhal yüzligen saqchi yopurlup kélip, “ Terorist „ dep put – qolini yerge tekküzmey élip ketetti, shopur we mashinining igisi Xitay bolghachqa, neqmeydangha bir muxpirdin bashqa hech bir hökümet xadimi kélip qoymighan, Xitayning qanunliri boyiche élip eytqandimu, bundaq xeterlik buyumlarni toshuydighan mashinilarning ahaliler olturaq rayonlirigha kirishi cheklengen, emma Xitayning qanunliri Xitay köchmenlirige ishlimeydu > dep bildürdi..