Chaghan Tügishi Bilenla Yene Xitaylarning Sherqiy Türkistangha Éqip Kirish Dolquni Qozghaldi

< Xinhua axbarat tori > ning 2 – ayning 25 – künidiki xewiride körsütülishiche, Chaghan bayrimining axirlishishi bilen, ichkiri ölkilerdiki Xitaylarning Sherqiy Türkistangha kirish yuquri dolquni qozghulup, poyez tiransiportida alahide jiddilik körülgen we Sherqiy Türkistandiki herqaysi poyez istansisiliri ichkiridin kelgen Xitaylar bilen tolup ketken.

Yuqarqi xewerde körsütülishiche, nöwette Xitayning Cheng Du, Ji Nen, Bei Jing qatarliq sheherliridin her küni Sherqiy Türkistangha kiriwatqan her bir poyezdiki yoluchilarning sani 1500 din ashidiken. Peqetla Turpan poyez istansisigha künige 2200 neper Xitay yolochi kélidiken, jenobi rayonlargha künde kélidighanlarning sani 1300 etrapida iken.

Mezkur xewerde körsütülishiche, aqqun Xitay ishchilirining Sherqiy Türkistangha kirish yuquri dolquni 3 – ayning axirliri we 4 – ayning bashlirighiche dawam qilidiken. Buxil jiddilikke asasen, bezi tömüryol idariliri Sherqiy Türkistangha qatnaydighan poyezning qetim sanini köpeytishke mejbur bolghan.