|
< Alptekin Uyghur Ösmürliri Telim – Terbiye Merkizi > de, Ataghliq
tarixchimiz Turghun Almas we Unung < Uyghurlar > Naliq Esiri Tonushturuldi
< Dunya Uyghur Qurultiyi > ning Germaniyediki Merkizi orginida tesis
qilinghan < Alptekin Uyghur ösmürliri telim – terbiye merkizi > de, 2 –
guruppidiki uyghur ösmürlirige qarita yekshenbe künidin etibaren mexsus
tarix dersi yolgha qoyulushqa bashlidi.
Telim – terbiye merkizining ishtin sirtqi tarix oqutquchiliqini öz üstige
alghan Tursun Muhemmet ependi yekshenbe künidiki tunji derside
oqughuchilargha ataghliq Uyghur tarixchisi Turghun Almas ependi we unung <
Uyghurlar > namliq tarixiy esiri heqqide etirapliq melumat berip ötti.
Tursun ependi deris dawamida, Turghun Almasning < Uyghurlar > namliq kitapni
yazghandin keyin beshigha kelgen siyasi külpetler web u kitapning hazir
Sherqiy Türkistanda cheklengenliki heqqide izahat berip ötkendin keyin,
Xitay hakimiyitining nöwette Uyghur ösmürlirini özlirining heqiyqi tarixini
ögünüshtin mehrum qalduruwatqanliqini, Turghun Almasqa ox’shighan
tarixchilirimizni we ularning eserlirini türlük siyasi töhmetler bilen
cheklep, Xitaylar teripidin oydurup chiqirilghan we burmilanghan saxte
tarixni uyghur yashliri we ösmürlirige zorlap tengiwatqanliqini bayan qilip,
Germaniyedek erkin we demokratik mohitta yashawatqan Uyghur ösmürlirini bu
ewzel pursetni qedirlep, özlirining tarixini, mediniyitini, sen’itini,
milliy we diniy örp – adetlirini yax’shi ögünüshke chaqirdi.
Qurultay qarmighidiki < Alptekin Uyghur Ösmürliri Telim – Terbiye Merkizi >
ning ishtin sirtqi oqutquchisi Tursun Muhemmet ependi 1986 – yili < Xinjiang
Universiteti > ning tarix fakultitini püttürgendin keyin, Siyasi kengesh
qarmighidiki < Aptonom Rayonluq qedimiy eserlerni retlesh we tertipke selish
ishxanisi > da ishligen we bu jeryanda köpligen tarixiy tetqiqat
purogrammilirigha qatnashqan idi.
< Alptekin telim – terbiye merkizi >, Germaniyediki Uyghur ösmürlirini köp
tereplime bilimge ige qilish üchün, ulargha ötülidighan derislerning
türinimu kengeytip barmaqta.
Merkez mesullirining bildürishiche, kiler yekshenbe küni, talantliq Uyghur
chaq – chaqchisi we komidiye artisi Ablimit Tursun ependi Uyghur ösmürlirige,
Uyghurlarning til sen’iti, uyghur chaq – chaq we yumurliri, shundaqla Uyghur
mediniyet – sen’iti heqqide mexsus deris beridiken..
|
