|
Xitay Hökümiti, < Internet Tori Jinayetchiliri > ge Zerbe Bérishni, Buyilliq
< Qattiq Zerbe Bérish Herikiti > ning Yengi Nishani Qilmaqchi
 <
Ürümchi kechlik geziti > ning 2 – ayning 15 – künidiki xewiride
körsütülishiche, Xitay hökümiti Sherqiy Türkistanda Internet torigha
qaratqan bashqurush we nazaretchilikni yenimu kücheytish meqsidide, 2007 –
yili elip berilidighan < qattiq zerbe berish > herikiti jeryanida Ürümchi
shehride < internet tori jinayetchiliri > ge zerbe berishni asasi nishan
qilip bekitken.
< Xinjiang géziti > ning yene bir xewiride körsütülishiche, 2 – ayning 15 –
küni < Ürümchi sheherlik mediniyet bazarlirini tekshürüsh etriti >, Ürümchi
shehridiki pütün internet chayxanilirini omomiy yüzlük tekshürüp chiqip, 23
internet chayxanisini < belgilimige xilapliq qilghan > digen nam bilen qara
tizimlikke kirgüzgen.
Xitay hökümiti, Sherqiy Türkistan Xelqining tashqi dunya bilen bolghan
alaqisini üzüp tashlash we Internet tori arqiliq özlirining Xitay
hakimiyitige bolghan naraziliqlirini ipade qilishining aldini élish üchün,
yillardin buyan bu rayonda Uyghurche internet chayxanilirini qattiq nazaret
astigha élip kelgen we bu jeryanda köpligen internet chayxanilirini türlük
siyasi bahaniler bilen taqiwetken idi. Emma dewirning tereqqi qilishigha
egiship, weten ichidiki uyghurlarning internet alaqisigha bolghan
qiziqishimu éship barmaqta we internettin paydilinalaydighan uyghurlarning
sanimu yildin – yilgha köpüyüp barmaqta. .
|
