Ghayisi Eniq Bolmighan, Tégi – Tekti Namelum Bolghan Teshkilat We Guruppilardin Agah Bolushimiz Lazim !

Chetellerdiki Uyghurlarning sanining köpüyüshi we teshkilatlirimizning üzlüksiz küchüyishige egiship, yéqinqi mezgillerdin buyan milliy küresh sepimizde ghayisi we meqsidini eniq chüshendürüp berelmeydighan, murekkep arqa körünüshke ige bolghan bezi teshkilat we guruppilar otturigha chiqishqa bashlidi.

Ularning ortaq alahidiliklirishuki, birinchidin, wetinimizning namidin we ay – yultuzluq kök bayriqimizdin özini qachuridu;

Ikkinchidin, ularning héch bir ammiwiy asasi yoq bolup, özliri turiwatqan döwletlerdiki Uyghur jama’itining qollishi we yardimidin uzaq.

Üchünchidin, bu teshkilatlarni otturigha chiqarghuchilarning hemmisi digüdek Xitaygha erkin – azade bérip – kéliwatqan, Xitaydin mal élip soda qiliwatqan, ata – anisi yaki uruq – tuqqanliri Xitayda mensep tutup turiwatqan kishilerdin teshkil tapqan;

Tötünchidin, bu kishilerning köpünchisi, weten sirtida uzun yillardin buyan aktip pa’aliyet élip bériwatqan we xelqimiz teripidin étirap qilinip qollashqa erishiwatqan merkizi teshkilatlirimizgha ashkare yaki yoshurun halda qarshi bolup, ular, etrapigha topliwalghan shirikliri bilen birge bu teshkilatlirimizgha we ularning asasliq rehberlirige zeherxendilik bilen hujum qilidu;

Beshinchidin, huddi melum bir yerdin buyruq alghandek, teshkilat we jama’itimizni bölüshke, parchilashqa tirishidu we bu meqsetlirige yétish üchün, siyasi engi we sezgürliki töwen bolghan qérindashlirimizni özige tartip, ularni séxiliq bilen mehman qilishtin bash tartmaydu;
Qisqisi, buxil kishilerning gep – söz we ish – heriketliri, ademning kallisida türlük gumani qarashlarni peyda qilidu.

Bizning milliy herikitimiz murekkep hem shereplik bir heriket, milliy küreshlirimizning küchüyishige egiship, Xitay hakimiyitining chetellerdiki teshkilatlirimizgha we asasliq siyasi pa’aliyetchilirimizge qaratqan siyasi hujum we töhmetlirimu eship beriwatidu, Xitay jama’et hewipsizlik ministirlikining 4 teshkilatimiz bilen 11 neper siyasi pa’aliyetchimizni dunyagha < térorist > we < téroristik teshkilat > dep élan qilghanliqi bunung janliq ispati.

Yene bir tereptin Xitay hakimiyiti chetellerde milliy tuyghusi we milliy ghurorini yoqatqan bir qisim Uyghurlarni we özining bir qolluq terbiyilep yétishtürgen gumashtilirini seperwerlikke keltürüp, sün’i teshkilat we gurohlarni otturigha chiqirip, < Uyghur > digen namni destek qilip turup, Uyghurlarning milliy heriketlirini parchilashqa we bölüshke urunup kéliwatidu, bunung ipadiliri xéli köp ellerde körüliwatidu, shunga xelqimiz bu mesilide segek bolup, milliy herikitimizning hulini teshkil qilghan merkizi teshkilatlirimizning etrapigha zich uyushup, milliy kürishimizning saghlam tereqqi qilishi üchün tegishlik töhpe qoshushi, ghayisi éniq bolmighan, tégi – tekti namelum bolghan teshkilat we shexisler bilen bolghan chek – chégrisini éniq ayrip, ularning buzghunchiliq heriketlirige bayriqi roshen halda qet’i qarshi turushi lazim !

( ETIC ning qisqa mulahizisi )