< Bizning Iller > Namliq Türkche Joranal Neshirdin Chiqti

< Sherqiy Türkistan Informatsiyon Merkizi > teripidin tesis qilinghan < Bizning Iller > namliq Türkche Jornalning tunji sani 2 – ayning 8 – küni neshirdin chiqip, muntizim pochta leniyesi arqiliq Yawropa we bashqa ellerge tarqitilishqa bashlidi.

Merkezning pirezidenti Abdujelil Qaraqash ependining biwaste sahipliqi we bashqurushida neshir qilinghan bu chong hejimlik renglik jornalning muqim tiraji 5000 bolup, ehtiyajqa qarap 10 ming nusxigha qeder neshir qilinidu we heqsiz halda tarqitilidu.
Mezkur jornal, Uyghur teshkilatliri teripidin chetellerde neshir qilinghan tiraji eng köp, hejimi eng chong we muqim mushtirisi eng köp bolghan Jornallarning biri bolup, shekli körkem, mezmoni mol.

Jornalda, Sherqiy Türkistan we Uyghurlar heqqidiki xewer – uchur we maqalilar asas qilinghan bolup, ununggha mas halda, pütün türk dunyasigha dayir hewer – uchur we maqalilarghimu muwapiq derijide yer berilgen.

Jornalning ilmiyliki yuquri bolup, unungda, Uyghurlar we herqaysi Türki milletlerning tarixi we hazirqi ehwaligha munasiwetlik akadimik maqalilar yer alghan.

< Bizning Iller > ning tunji sanida, Prof.Dr. Timur Koca Oglu ependining Amerikida Rabiye Qadir xanimni ziyaret qilip yazghan chong hejimlik maqalisi, ETIC pirezidenti Abdujelil Qaraqash ependining Sherqiy türkistanning omomiy weziyiti heqqidiki qarashliri, < 5 – fewral > ghulja qirghinchiligha dayir maqalilar, Mesh’hur Özbek Alimi Dr. Baymirza Hayit ependining hayati, shundaqla Türki milletlerning örp – adet we milliy alahidiliklirige munasiwetlik köpligen nadir eserler yer alghan.

Jornalning idare hey’iti töwendikilerdin ibaret:

Jornalning sahibi : Abdujelil Qaraqash
Mes’ul muherrir : Yildiray Sari
Montaj : Muammer Cetin

Tehrir Hey’et ezaliri :

Prof. Dr. Timur Koca oglu
Yunus Zeyrek
Rafet Karanlik
Abdujelil Qaraqash
Hasan Yasar Büyükdemir
Perhat Yorungqash

< Bizning Iller > jornilining neshir qilinishi, Sherqiy Türkistan Dawasini Türkiy xelqlerge anglitishta pewquladde mohim ehmiyetke ige bolup, Yawropaning ozidila 3 milyondin artuq Türk yashaydu, bolupmu Germaniyede Türkler, Germanlardin qalsa 2 – chong millet bolup hisaplinidu.

Nöwette < Sherqiy Türkistan Informatsiyon Merkizi > ge biwaste eza bolghan Türk qerindashlirimizning sani 1000 din ashidu.
< Bizning Iller > jornili, ETIC ning Türkche Internet sehipisigimu orunlashturuldi..