|
ETIC ning,
Milliy Mujahidimiz Ismayil Abdusemet Haji Heqqidiki Teziyenamisi
Uyghur xelqining munewwer
oghlani, harmas mujahidimiz Ismayil Abdusemet hajimning 2 – ayning 8 – küni
Kommunist Xitay fashistliri teripidin qanxorlarche shehid qilinghanliqidin
xewer tépip cheksiz qayghurush hes qilduq, biz, kommunist Xitay
mustemlikichilirining buxil jallatliq qilmishini we Islamiyetke qilmighan
düshmenlikliri qalmighan bu qanxor hakimiyetke yantayaq bolup, özliri bilen
tarixtin buyan dost we xoshna bolup ötüp kelgen mosulman Uyghur
qérindashlirini ölümge tutup bergen Pakistan dayirlirining satqunluq,
Xiyanetchilik qilmishini qattiq eyiplesh bilen birge, milliy qehrimanimiz we
shehidimiz Ismayil Abdusemet Hajimgha janabi allahtin rehmet, unung bala –
chaqa, ata – ana, uruq – tuqqan we dost – yarenlirige sewir – taqet tileymiz,
allah shehidimizning yatqan yerini jennet qilghay !
Ismayil Abdusemet hajim 1969 – yili 5 – ayning 20 – küni Qeshqerning
yengisar nahiyesi Saghan yezisida dunyagha kelgen bolup, 1990 – yili 4 –
ayda Xitay hakimiyiti uni, < barin isyani bilen chetishliqi bar > dep qolgha
elip türmige tashlighan we 1992 – yili 9 – ayda waqitliq qoyup berip, 93 –
yili 9 – ayda yene tekrar qolgha alghan, Ismayil hajim 1996 – yili 9 – ayda
qoyup bérilgendin kéyin, Xitay hakimiyiti yene unung peshini qoyup bermey,
unu nazaret qilishni dawamlashturghanliqtin, 1997 - yili yoshurun halda
chetelge hijret qilip chiqip kétishke mejbur bolghan idi.
2002 – yili 2 – ayda Pakistan köhümiti teripidin Rawalpin rayonida tutqun
qilinip derhal Xitay hökümitige tapshurup berilgen we 2005 – yili Ürümchi
ottura sot mehkimisi teripidin < Wetenning Birligini Parchilashqa Urunghan >
digen bednam bilen eyiplinip ölüm jazasigha höküm qilinghan Yengisarliq
Uyghur siyasi paaliyetchi Ismayil Abdusemet Hajim, 2007 – yili 2 – ayning 8
– küni Ürümchi waqti étigen sa’et 06:00 de Xitay hökümiti teripidin shehid
qilinghan.
Ismayil Abdusemet Hajigha ox’shighan shehidlirimizning qéni hergizmu
bikargha aqmaydu, batur, küreshchan we qeyser xelqimiz Xitay hakimiyitige we
unung qomaqchi – yalaqchilirigha choqum tégishlik jawabini beridu.
Shehidimiz Ismayil Abdusemet Haji xelqimizning qelbide ebediyen yashaydu !
Abdujelil Qaraqash
< Sherqiy Türkistan Informatsiyon Merkizi > ning pirezidenti
.
|
