|
Germaniyediki Xitay Resturanida Yüzbergen Chong Qatilliq Dilosining
Weytnamliq Ikki Jinayet Gumandari Qolgha Chüshti
Germaniye metbu’atlirining xewiride körsütülishiche, 5 – fewral küni
Germaniyediki bir Xitay resturanida yüzbergen chong qatilliq dilosining
Weytnamliq ikki neper jinayet gumandari tünögün chüshte Germaniyening
Wildeshausen rayodidiki yuquri süretlik tash’yol boyidiki bir parkta
saqchilar teripidin qolgha chüshürülgen.
Ularning biri 29 yash, yene biri 31 yash bolup, axturush jeryanida ularning
yenidin zeherlik chekimlik we Dilogha munasiwetlik bir parche xet chiqqan.
Germaniye saqchiliri bu diloni dawamliq tekshürmekte.
5 – fewral küni kechte, Germaniyening Sittensen shehride, < China –
restaurant Lin Yue > dep atalghan Xitay resturanida, resturanning Xitay
xojayini, unung ayali we resturanning xizmetchiliridin bolup 6 kishi namelum
kishiler teripidin échinishliq halda étip öltürülgen, öltürülgenlerning 3
nepiri er, 3 nepiri bolsa ayal bolup, qatillar peqetla 2 yashliq bir balini
saq qoyghan, weqede oq tegip eghir yarilanghan we umu etisi doxturxanida
ölgen idi.
Ölgen Xitaylarning hemmisila chetel gerejdani bolghachqa, Xitay elchixanisi
quliqini yupuruwélip bu ishqa arilashmighan. Resturanning ölgen hojayini
bilen unung ayali bolsa Engiliye gerejdanliqigha ötken Shanggangliq Xitaylar
iken.
Qolgha chüshürülgen Weytnamliqlarning Xitay mafiyaliri bilen alaqisining bar
– yoqluqi hazirghiche melup bolmisimu, emma Germaniye metbu’atlirida,
Yawropadiki Xitay mafiya guruppiliri heqqide keng – kölemde maqalilar elan
qilinishqa bashlidi.
Bezi metbu’atlarning ilgiri sürüshiche, nöwette yawropada Xitay qaraqol
partiyesi ezalirining omomiy sani 250 minggha yétip bararmish we ular
Italiye Qaraqol partiyesidinmu wehshimish. < Qerindashlar jemiyiti > dep
atalghan Xitay qaraqol partiyesi eslide Ching sulalisining axirqi
mezgilliride Manju impiratorluqigha qarshi Xitaylar teripidin qurulghan yer
asti Xelq teshkilati bolup, keyin unung xarektiri özgürüp Mafiyagha
aylanghan we Shanggangni baza qilghan hem peydin – pey dunyagha yeyilishqa
bashlighan. ularning Yawropada qilidighan asasliq ishi Adem etkeschiliki
bolup, bundin 6 yil burun Xitayning Awmin rayonidin 58 neper Xitayning
kimining mal qachilash sanduqigha sélip Engiliyege élip kelgende, ularning
hemmisi digüdek ölgen we bu xewer eyni chaghda Yawropani zil – zilige
salghan idi.
Emma Germaniye saqchi dayirliri, qolgha chüshken Jinayet gumandarlirining
yürüsh – turushidin ularning mafilalargha anche ox’shap ketmeydighanliqini,
belkim pul – malni dep adem öltürgenlikini bayan qilishmaqta.
|
