Ürümchi Saqchi Idarisi Axbarat Élan Qilish Yighini Chaqirdi

< Tianshan tori > ning xewer qilishiche, 1 – ayning 6 – küni chüshtin burun, Ürümchi saqchi idarisi chaghan munasiwiti bilen axbarat elan qilish yighini chaqirip, 2007 – yili 1 – ay ichide yüz bergen jinayi ishlar dilolirini élan qilish bilen birge, chaghan mezgilide élip bérilidighan amanliq saqlash tedbirliri heqqide melumat bergen.

Nöwette Ürümchi shehri jinayetchilerning jennet makanigha aylanghan bolup, peqet bir ay ichide sheherde yüzbergen jinayi ishlar dilolirining sani 2265 qetimgha yetken we bularning ichide peqetla 398 dilo pash qilinghan. Bir ay ichide 405 neper kishi qolgha élinghan.
Undin bashqa yene buyil 1 – ay ichide Ürümchi shehride 50 qetim qatnash weqesi yüz bérip, 15 kishi ölgen, 55 kishi yarilanghan, 117 qetim ot apiti yüzberip, 3 kishi ölgen.
Buyil 1 – ayda Ürümchide yüzbergen eng asasliq dilo, < Zhang Shang Xi bashchiliqidiki 13 kishilik jinayetchiler gurohining insanlarni görege elish dilosi > iken.

Nöwette Ürümchi ahalisining 90 pirsentidin köpireki Xitay köchmenliridin terkip tapqan bolup, Ürümchining jemiyet amanliqini qalaymiqan qiliwatqanlarmu yene shu Xitay köchmenliridin ibaret.

Axbarat élan qilish yighinida yene, chaghan mezgilide, saqchilarning sheher kochiliridiki charlashni alahide kücheytidighanliqi, néfit, éliktir, kömür, gaz .. qatarliq asasliq asasliq sana’et esliheliri we chong tiptiki soda sarayliri, poyez istansisiliri, aptawuz biketliri, köngül echish sorunliri, taxsi biketliri .. qatarliq mohim orunlarning amanliq saqlash tedbirlirini zor derijide ashuridighanliqi bayan qilinghan. .