< 5 – Fewral > Ghulja Qirghinchiliqining 10 – Yilliqi Munasiwiti Bilen Dunyaning Herqaysi Elliride Namayish

Öz xewirimiz: meniwiy animiz we Dunya Uyghur Qurultiyi reyisi Rabiye Qadir xanimning, < 5 – fewral > Ghulja qirghinchiliqining 10 – yilliqini Dunya miqyaside keng – kölemlik xatirilesh heqqide pütün Uyghur teshkilatlirigha chiqarghan chaqiriqigha asasen, Dunyaning köpligen elliride pa’aliyet élip bériwatqan Uyghur teshkilatliri herqaysi qit’eliride Xitay hakimiyitige qarshi naraziliq namayishliri teshkillidi.

Gèrmaniyide

Dunya Uyghur Qurultiyi bash shitabining orunlashturushi, Yawrupa Sherqiy Türkistan birliki we Sherqiy Türkistan Imformatsiyun merkizining hemkarlishishi bilen, bügün Gèrmaniyining Miyunxèn shehride keng kölemlik namayish èlip bèrildi. bu qètimqi namayishqa Gèrmaniyiki Uyghur Teshkilatlirining ezaliri we her qaysi yurtlardin kelgen yüzligen Uyghur jamaiti qatnashqandin sirt, Gèrman teshkilatliri, Türk we Islam teshkilatliri hemde Xelq`ara Insan heqliri teshkilatlirining yene minglighan ezaliri we rehberliri ishtirak qildi.

KanadaToronto'da

Uyghur Kanada Jemiyiti Ghulja qirghinchiliqining 10 yilliqi munasiwiti bilen Toronto'diki Xitay Konsuli Aldida namayish otkuzup, Ghulja qirghinchiliqini xatirlidi we Xitay hokumitige bolghan kuchluk naraziliqini ipadilidi.

Namayish uchun Montreal, Hamilton qatarliq jaylardin kelgen Uyghurlar Toronto eytrapidiki Uyghurlar bilen bille, Toronto'diki qehritan soghuqqa qarimay, 2-ayning 5-kuni chushte Xitayning Toronto'diki bash Konsolusluq binasi aldida toplunup, Ghulja qirghinchiliqining 10 yilliq xatire kuni sewebidin Xitay hokumitige naraziliq bildurup namayish qildi.

Bu namayishqa Uyghurlardin bashqa Uyghur dostliri, Xelqara Kechurum teshkilatining wekilliri bolup kopligen jamaet qatnashti.' namayish jeryanida Xitay hokumitge qarshi her hil shuarlar towlanghandin bashqa yene, Xitay turmiside yetiwatqan Huseyin Célilning derhal qoyup bérilishi heqqidimu kuchluk shuarlar towlandi.

Kanada Vancouverda

2007-yili 2-ayning 5-kuni dushenbe, Kanada'ning Vancouver shehrideki Xitay konsuli aldida, Tunji Qetimliq Xitaygha Qarshi Namayish bolup otti. Kanada'ning Vancouver shehrige xéli uzun yillardin béri Uyghurlar kilip yerlishiwatqan bolsimu, hazirgha qeder Xitaygha qarshi namayish bolmighan idi. Bu yil Dunya Uyghur Qurultiyi Reisi Rabiye Qadir Xanimning yitekchilik qilishi we OMERJAN'ning teshkillishi bilen, Vancouver shehridimu namayish bolup otti. Bu Kanada'ning Vancouver shehrideki Uyghurlarningki tunji qetimliq Xitaygha qarshi namayishi bolup, Namayishqa Vancouver'de yashaydighan Uyghur, English, Canadian we Tibetler qatnashti.

Gollandiyede

Gollandiyening Denhaag shehride 2007-yili 2 - ayning 5 - kuni "5 - Februal Ghulja weqesi" munasiwiti bilen Dunya Uyghur Qurultiyi Yashlar Komititi we Gollandiye Sherqi Turkistan Vakfi orunlashturushi bilen keng kolemlik namayish otkuzuldi. namayishqa Gollandiyede yashawatqan Sherqi Turkistanliqlar, Turkmenler, herqaysi Turk Teshkilatliri we Gollandiyelikler qatnashti. namayishchilar sani 300 din éship ketti.

Türkiyide

Türkiyidiki Sherqiy Türkistan ammiwi teshkilatliri Ghulja weqesining 10 yilliqini türlük paaliyetler bilen xatirilidi. Istanbulda paaliyet élip bériwatqan Sherqiy Türkistan yashlar birliki bashliqi tibet ependining orunlashturushi bilen 2-Ayning 3-Küni zeytunburnu rayonida bir konfirans chaqirildi.

2- ayning 4-küni Sherqiy Türkistan medeniyet we hemkarliq jemiyiti we Sherqiy Türksitan yashlar birliki ortaqliship Xitay xelq jumhuriyitining istanbulda turushluq konsulusliqining aldida namayish ötküzdi. Namayishqa Sherqiy Türkistan maarip hemkarliq jemiyitining ezaliri bilen birlikte köp sanda uyghur qatnashti. 2- ayning 5-küni bolsa enqerediki Xitay elchiliki aldida keng kölemlik bir namayish ötküzüldi.

Amèrikida

5 ‏- Féwral küni, Amèrika paytexti washingtondiki Xitay bash elchixanisi aldidiki namayishqa bash bolup qatnashqan Rabiye qadir xanim namayishchilarning aldida turup, nahayiti jushqun keypiyatta shuar towlap, namayish ehlining jasaritige - jasaret, küchige ‏- küch qoshti. namayishqa Amérikidiki xelqara kechürüm teshkilati, xelqara kishilik hoquqni közitish teshkilatining wekilliri qatniship söz qildi. Namayishqa yene, Falunggung muritliri bilen Xitay démokratlirimu qatnashti.

Firansiye Parijda

2-Fewral küni, Fransiyidiki uyghurlar sanining az bolishigha qarimastin, parizhdiki Xitay bash elchixanisining aldida xatirlesh paaliyiti uyushturup, "5-Fewral Ghulja weqesi" ning 10 yilliqini xatirlesh üchün herqaysi döletlerde kéyinki birqanche kün ichide ep bérilidighan paaliyetlerning muqeddimisini bashlidi. Fransiyidiki bu xatirlesh paaliyiti Xitaygha qarshi ötküzülgen narazliq namayishliridin perqliq bir shekilde, yeni asasliqi nutuq sözlesh we muxbirlargha axbarat bérish sheklide ötküzüldi.

Austiraliye Sydneyda

Dunya Uyghur Qurultiyining chaqirighigha asasen, Austiraliye Uyghur Jemiyitining teshkilishi bilen 2 – Fèwral küni Austiraliyening eng chong shehiri Sydneyde Ghulja weqesining 10-yillighi munasiwiti bilen daghdughuluq namayish élip bérildi. Namayishqa Sydney sheridiki Sherqiy Turkistanliqlar, Melbourne, hetta 1500 km yiraqliqtiki Adelaide sheherdin kelgen Sherqiy Turkistan Jenmiyitining wekilliri zor qizghinliq bilen qatnashti.

Bilgiye Burukselde

2 – Fèwral küni Belgiye Paytexti Bèryukseldiki Uyghurlar Ghuljidiki qanliq qirghinchiliqning 10 yilliqini xatirilesh yüzsidin namayish uyushturup, Xitay hökümètining fashistik siyasiti we zorawanliq jinayetlirini Yawrupa parlamèntining merkizide dunyagha anglitish üchün bir yürüsh paaliyetlerni èlip bardi. Namayishchilar Ghulja qirghinchiliqi bayan qilinghan teshwiqat wereqchilirini tarqitish, nutuq sözlesh, muxpirlarning soallirigha jawap bèrish qatarliq köp xil shekiller arqiliq, Ghulja weqesini xatirilidi

Norwegiyide

3-fewral shenbe Norwegiyediki Uyghurlar, Dunya Uyghur qurultiyining bir tutash chaqirighi we Norwegiye Uyghur komititining teshkillishide "5-fewral Ghulja weqesi” ning 10 yillighini xatirlesh yustidin Oslo shehride Xitaygha qarshi daghdughiliq namayish we kocha yurishi élip bardi.

Namayishchilar deslep, Oslo sheher merkizidiki padisha sariyigha tutishidighan merkizi kochidin Sherqiy Turkistanning ay – yultuzluq kok bayriqi we her xil lozunka, pilakatlarni koturgen halda tizilip yolgha chiqti,namayishchilar yol boyi Norweg we Ingliz tillirida "Xitay diktatur!” ” Xitay terrorist!” degen sharlarni towlap mangdi.