Xitay Metbu’atliri, Aqtudiki Toqunushta Ölgen Esker Huang Qiangni Yene Bazargha Sélishqa Bashlidi

Xitay metbu’atliri, Ghulja qirghinchiliqi yüz bergen < 5 – fewral > künige toghrilap, buyil 1 – ayning 5 – küni Aqtuning Kosrap yezisidiki toqunushta Mujahitlirimiz teripidin etip öltürülgen Huang Qiang isimlik Xitay eskirini yene qaytidin bazargha sélip, keng kölemde teshwiq qilishqa bashlidi.

Mesilen, < Xinjiang geziti > ning 2 – ayning 5 – künidiki sanigha, Huang Qiang heqqide, Qehrimanimiz ölmeydu > digen temida mexsus bir ziyaret xatirisi elan qilindi, bu ziyaret xatirisi, < Tianshan tori > qatarliq bashqa nuxtuluq teshwiqat wastiliridimu eng asasliq maqale süpitide yer aldi.

Mezkur ziyaret xatiriside körsütülishiche, mujahitlirimizdin oq yep ölgen Xitay eskiri Huang Qiang qaltis mergenmish we birqanche qetimliq menewirda herbiy qisim qomandanliq shitabi teripidin < munewwer owchi > dep nam bérilip teqdirlengenmish ! unung üstige Huang Qiang özi turushluq qisimdiki eskerlerning ichide eng közge körüngen we herbi texnikisi eng yuquri eskermish !

Emma yuqarqi xewerde, < munewwer owchi > dep nam alghan Huang Qiangning nechche Uyghurni owlighanliqi heqqide izahat bérilmigen.

Yene bir tereptin, Xitay eskiri Huang Qiangning jeset küli yurti Si Chuange yötkep ketilgendin keyin, Si Chuan ölkisidiki herqaysi metbu’atlarmu bu eskerning ish – izlirini daghdughuluq halda teshwiq qilishqa bashlighan.

Bezi uyghur siyasiyonlar bu heqte özining qarashlirini otturigha qoyup, < Xitay hökümitining Huang Qiangning ölümini teshwiq qilishining bizge paydiliq tereplirimu köp, mesilen, Si Chuan ölkisi, Xitay boyiche nopos eng köp bolghan ölkilerning biri bolup, noposi 100 milyondin ashidu, Sherqiy Türkistandiki Xitay köchmenlirining köpünchisimu Si Chuanlik, buxil teshwiqatlar arqiliq Si Chuandiki Xitaylar Sherqiy Türkistanda Xitay hekimiyitige qarshi qattiq bir milliy heriketning barliqini ügendi, belkm köpligen Xitaylar Sherqiy Türkistangha bérip yerlishish niyitidin waz kechken bolushi mumkin > dep qarashmaqta.