Sherqiy Türkistandiki Déhqanlarning Yérimining Ichimlik Süyi Bixeter Emes

< Xinhua axbarat agentliqi > ning 1 – ayning 31 – küni Ürümchidin bergen xewiride körsütülishiche, nöwette Sherqiy Türkistan boyiche 5 milyon 740 ming déhqanning ichimlik süyi bixeter emes iken, bu, pütün Sherqiy Türkistandiki dehqanlarning yérimini teshkil qilidiken.

Mezkur xewerde körsütülishiche, Xitay hökümiti, Sherqiy Türkistandiki < Bingtüan > ge meblegh sélip, 300 tür boyiche su insha’ati qurulishi élip bérip, chet – yaqa jaylargha orunlashqan Tuan – Meydanliridiki bir milyongha yeqin Xitayni zamaniwiy quduq we turobba süyige ige qilish arqiliq, ularning Köl süyini ichidighan halitige xatime bergen.

Emma wetendin kelgen inkaslargha qarighanda, nöwette Sherqiy Türkistanning jenobi rayonliridiki Uyghur dehqanlirining ichmlik su mesiliside hazirghiche chong bir özgürüsh bolmighan, mutleq köp sandiki yeza – qishlaqlarda dehqanlar yenila terkiwi eghir derijide bulghanghan köllerdiki toxtam suni ichishke mejbur iken. Shunung üchün, jenobi rayonlardiki yezilarda waba xarektirlik yuqumluq kesellikler pat – pat körülüp turidiken.

Xitay hökümiti birqanche yildin buyan su insha’ati qurulushini nuxtuluq halda Xitaylar birqeder zich olturaqlashqan Ximali we sherqiy rayonlarda, shundaqla < Bingtüan qarmighidiki her qaysi tüan – meydanlarda élip barmaqta..