Xitay Hökümiti < 5 – fewral > Ghulja Qirghinchiliqi Harpisida Cherge Mudapiye Qisimlirining Eslihelirini Köpeytti

Aldinqi qétimliq xewirimizde, Ghulja qirghinchiliqi yüz bergen < 5 – fewral > ning yéqinlap kélishi bilen, Gulja shehrining kocha – koylirini herbiy we saqchi mashiniliri qaplap ketkenlikini, Saqchi mashinilirining keche – kündüz signal chélip, Ghulja shehri we sheher etrapida charlash élip bérishni kücheytishke bashlighanliqini, Saqchilargha mas halda, toluq qorallanghan muntizim herbiy qisimlarningmu mashina bilen sheher aylinip tere taraqshitishqa bashlighanliqini bayan qilghan iduq.

Xitay metbu’atlirida elan qilinghan bezi xewerler, yuqarqi hadisining toghliliqini we < 5 – fewral > harpisida Xitay hakimiyitining Sherqiy türkistandiki saqchi we herbiy qisimlirining eslihelirini köpeytkenlikini ispatlap turmaqta.

Mesilen, < Xinhua axbaret agentliqi > ning Ürümchidin bergen xewiride körsütülishiche, 2 ayning 4 – küni, < Xinjiang jama’et xewipsizliki chegra mudapiye bash etriti >, Sherqiy türkistanda jiddi yüz berish ehtimali bolghan siyasi weqelerge teximu ünümlük taqabil turush meqsidide, yengidin esliheleshtürülgen 119 saqchi mashinisini Sherqiy Türkistanning herqaysi rayonliridiki chegra mudapiye qisimlirining ishlitishige iwetip bewrgen.