Sherqiy Türkistanda, Gézit – Jornal Satidighan Botkilarning Sani Zor Derijide Aziyip Ketken

< Xinhua axbarat agentliqi > ning 2 – ayning 1 – küni tarqatqan xewiride körsütülishiche, nöwette Sherqiy Türkistanning chong – kichik sheherliridiki gézit – jornal satidighan kichik botkilarning sani zor derijide aziyip, ilgiriki 1119 din hazir aziyip 759 gha chüshüp qalghan.

Yuqarqi xewerde körsütülishiche, gézit – jornal satidighan botkilarning aziyip kétishining asasliq sewebi, hökümet tarmaqlirining bu botkilardin herijidin tashqiri köp baj élishi bolup, her bir kichik botka yiligha hökümetke 4200 yüan baj töleydiken, taziliq we bashqa chiqimlarni qoshqanda chiqimi 5500 yuandin éship ketidiken. Yene köpligen sheherlerde hökümet tarmaqliri sheher merkezliridiki gezit – jornal satidighan botkilarni sheherning chétige köchüshke qistighan.

Mesilen, hazir Ürümchining özidila 110 botka bolup, sheherlik hökümet ularni sheherning sirtigha köchüsh’ke buyrighan.

Emma bezi Uyghur siyasi küzerküchiler, Sherqiy türkistanda gezit – jornal satidighan botkilarning azlap ketishini, Xitay hökümitining bu botkilarning igilirige qaritip kéliwatqan siyasi bésimigha baghlap qarimaqta. Ularning qarishiche, Xitay hökümiti Sherqiy türkistanda < idilogiye sahesidiki milliy bölgünchilikke qarshi turush > herikitini bashlighan birqanche yildin buyan, gézit – jornal satidighan botkilarni we kochilarda kitap satidighan yaymichilarni qattiq nazaret astigha élip, < bölgünchilik terghip qilinghan eksiyetchil mezmondiki we diniy mezmonlardiki kitap – jornal we buyumlarni satqan > digen töhmet bilen xéli köp kishini qolgha alghan yaki ulargha iqtisadi jehettin éghir jerimanilerni bergen, saqchi tarmaqliri kocha arilap her küni gézit – jornal satidighan botkichilarni we yaymichilarni tola tekshürüp jenidin jaq toyghuzghan. .