Wang Le Quan we Ismayil Tiliwaldilar Kosrap Qirghinchiliqigha Qatnashqan Xitay Eskerliridin Hal Soridi

< Xinjiang geziti > ning xewer qilishiche, 1 – ayning 31 – küni, < Aptonom rayonluq partikom > ning sékritari Wang le quan, < Aptonom rayon > ning reyisi Ismayil Tiliwaldi qatarliqlar, < Xinjiang jama’et xewipsizlik nazariti > ning herbiy meshiq bazisigha bérip, buyil 1 – ayning 5 – künidiki Kosrap qirghinchiliqigha qatnashqan Xitay eskerliridin hal sorighan we ulargha mukapat puli tarqitip bergen.

Wang le quan meshiq bazisida eskerlerge qilghan sözide, ularning < 3 xil küchler > ge zerbe bérishte baturluq körsütüp, < Xinjiang > ning ténch we muqimliqi üchün zor töhpe qoshqanliqini teriplesh bilen birge, Xitay esker we saqchiliridin, < 3 xil küchler > ge qattiq zerbe bérishning yüksek halitini saqlap, buyruqqa qattiq emel qilip, her waqit hush’yar bolup, < 3 xil küchler > ning bölgünchilik heriketlirining aldini élishni telep qilghan.

Shu küni Wang le quan we Ismayil Tiliwaldilar yene < Xinjiang herbiy rayoni > qarmighidiki melum bir hawa mudapiyesi polkini ziyaret qilip, ularning herbiy mesh’ghulatlirini közdin kechürgen.

ETIC ning wetendin igellishiche, Xitay dayirliri Kosrap weqesini bahane qilip turup Sherqiy Türkistanning jenobi rayonlirida Uyghurlargha qarita keng kölemde tutqun qilish herikiti qozghighan bolup, bu heriket jeryanida ilgiri qamaq jazasigha höküm qilinip mudditi toshqandin kéyin qoyup bérilgen köpligen Uyghurlarni yene qayta qolgha élip türmige tashlighan.

Bezi gheyri resmi statiskilarda, Kosrap weqesidin buyan Xitay saqchilirining Sherqiy Türkistanda 2000 gha yéqin Uyghurni siyasi sewep bilen tutqun qilinghanliqi qeyt qilinmaqta..