Uygur Téliwiziyesi we Uygur Awazi Radiosi Sizler Üchün Xizmet Qilidu

Bash shitabi Germaniyening München shehridiki < Sherqiy Türkistan Informatsiyon Merkizi > teripidin bashquriliwatqan < UYGUR – TV > bilen < Uygur Awazi Radiosi >, wetendashlirimizning we chetellik dostlirimizning qizghin alqishigha ériship kelmekte. Bu ikki axbarat wastimiz hazir köpligen ellerde yashawatqan Uyghur qérindashlirimizning kündülük ayrilmas yéqin dostlirigha aylandi.

Nöwette bezi qérindashlirimiz merkizimizge mektup we murajetnamilar yollap, merkizimiz teripidin bashquriliwatqan téliwiziye istansisi bilen radio heqqide köpligen qimmetlik teklip – pikirlerni berip kelmekte.

Sizlerge melum bolghinidek, nöwette < UYGUR – TV > bilen < Uygur Awazi Radiosi >,, künige 24 sa’et toxtimay purogram bérip kelmekte, purogrammilirimizmu sen’et, din, tarix, kino – filim, axbarat – uchur … qatarliq keng mezmonlarni öz ichige élip kelmekte.
Bezi qerindashlirimiz, bizge iwetken mektuplirida, < uygur – tv > da bériliwatqan Uyghurche kino – filimlerning azliqini, Türkche filimlerning ornigha Uyghurche kino – filimlerni köpirek bérishni telep qilmaqta. Beziliri bolsa xewer – uchur purogrammilirini köpeytishni, her küni muntizim halda axbarat purogrammisini yolgha qoyushni telep qilishmaqta. Yene beziliri bolsa, qoyuliwatqan filimlerning pat – pat ekranda qétip qélip, éniq körgili bolmaywatqanliqini inkas qilishmaqta. Bu inkasqa qarita köpchilikke qisqiche melumat bérishni muwağiq körduq:

1. Biz, ut–v ge mumkin bar Uyghurche kino – filimlerni köpirek orunlashturushqa tirishqan bolsaqmu, emma nöwette weten ichide ishliniwatqan Uyghurche filimlerning köpünchisining mezmoni saghlam emes, Xitayning islahat siyasiti we < chong yax’shi > weziyiti teshwiq qilinghan, yene xéli köp filimlerning mezmoni kishini bizar qilidighan yigha – zare körünüshlirini bilen tolghan bolup, köpünche filimlerning mezmoni biri – birige ox’shap qalidu, nöwette xelqimiz, bolupmu chetellerde yashawatqan Uyghurlar kishige jasaret we ilham béridighan jenggiwar mezmondiki yaki kishini küldüridighan komidiye filimlirini köpirek körüshni arzu qilidu, shunga wetende ishlengen filimlerni qoyghanda, hemmisini qara – quyuq emes, belki mezmonigha qarap tallap qoyuwatimiz. Chünki bizningmu teshwiqat we anglitish jehette belgilik yetekchi idiyemiz bar.
2. Nöwette merkizimiz, pütünley Yawropada yashawatqan Türk qérindashlirimizning iqtisadi yardimi bilen pa’aliyet qilip kéliwatidu, merkizimizge bedel tölewatqan ezalirimizning 90 pirsentidin köpirekimu yene Türklerdin ibaret, < UYGUR – TV > bilen < Uygur Awazi Radiosi >ning sehipisige kiridighan Türk dostlirimiz köp bolghini üchün, ularnimu nezerde tutqan halda belgilik derijide Türkche filimlerni orunlashturduq, emma bularning xéli köp qismi Türkchige terjime qilinghan chetel filimliridin ibaret, mesilen, Peyghemberlirimizning hayatigha munasiwetlik filimler we Meryem ana heqqidiki filimler bashqa ellerde ishlinip Türkchige terjime qilinghan filimlerdin ibaret. Bizge yardem qiliwatqan Türk qerindashlirimizni nezerdin saqit qiliwetsek, merkizimizning tereqqi qilishimu mumkin emes.
3. Qismen chaghlarda filimlerning ekranda qetiwélishi, shu minutlarda sehipimizge kirgüchilerning sanining köp bolghanliqidin ibaret, sehipimizning tarqitish küchi cheklik, mumkin bar uni kücheytishke tirishimiz.
4. hazirgha qeder téliwiziye we radioda her küni muntizim halda xewer – uchur berishni yolgha qoyalmasliqimizning asasliq sewebi, kespiy xadimlirimizning kemchil bolushidin ibaret, bolupmu xewer – uchur yazidighan axbaratchilargha we türlük mezmonlarda maqale yézish iqtidarigha ige qelemkeshlirimizge éhtiyajimiz bar, yene filim ishlesh we kirishtürüsh, kameragha élish we purogrammilargha riyasetchilik qilish jehette iqtidari bar xadimlargha jiddi ehtiyajimiz bar. Shunga meyli qaysi ellerde yashishidin qetinezer, yuqarqi kesiplerde iqtidari bolghan qérindashlirimiz biz bilen alaqilash’sa, ular shu ellerde turup merkizimiz üchün xizmet qilsimu bolidu, ularning ish heqqini, shular turiwatqan döwletlerning ölchimini asas qilghan halda muwapiq orunlashturimiz.
5. Eger herqaysi teshkilatlirimiz yaki shexislirimiz teripidin ishlengen sen’et we bashqa mezmonlardiki purogrammilar bolsa ( mexpiyetliki bolmisa ) bizge iwetip berse, uni < uygur – tv > ge orunlashturimiz. Emma filimning süpiti yax’shi bolushi kérek.

Hörmet bilen:

Abdujélil Qaraqash

< Sherqiy Türkistan Informatsiyon Merkizi > ning reyisi.