|
Peyziwatliq Islam Qurban 132 Yashqa Kirdi
( Sürette: Islam Qurban 58 yashliq newrisi bilen birge )
< Tianshan tori > ning 1 – ayning 29 – künidiki xewiride körsütülishiche,
Qeshqer wilayitige qarashliq Peyziwat nahiyesining Qizil yezisidiki Uyghur
dehqan Islam Qurban buyil 132 yashqa kirgen.
Kishini heyran qalduridighini, 2005 – yilidin etibaren Islam Qurbangha
yengidin qara chach – saqal chiqqan bolup, hazir chechining 30 pirsenti,
saqilining bolsa 20 pirsenti yengidin ösüp chiqan.
Islam Qurban 1875 – yili 5 – ayda tughulghan bolup, unung 6 oghli we 4 qizi
bolghan, 3 qizining biri 64 yeshida, qalghan ikkisi bolsa 67 we 71
yashlirida öz ejelliri bilen alemdin ötken, ayali selimixan bolsa 1965 –
yili 1 – ayda wapat bolghan, hazir bu bowayning 43 newrisi, 91 ewrisi we 21
chewrisi bar bolup, özi bolsa kichik oghli Jélil bilen birge yashaydiken.
Yuqarqi xewerde körsütülishiche, Islam Qurbanning eqli – hushi jayida, este
tutush qabiliyiti yuquri, körüsh we anglash iqtidari yax’shi bolup,
salametliki intayin normal iken, bu boway hemishe xolum – xoshnilirigha 1901
– yilidiki chong yer tewreshni, 1934 – yilidiki inqilaplarni we Guomindang
ofisserlirige dayir qiziqarliq weqelerni sözlep beridiken. U yene hemishe öy
ishlirighimu qariship beridiken.
Islam Qurban, qunaq unida qilghan tamaqlarni, kawa, chamghur, qétiq
qatarliqlarni yiyishni yax’shi köridiken.
Islam Qurban 1986 – yili hoylisida tam örülüp kétip, bir chenze béligha
chüshüp zexmilendürgenliki tüpeylidin doxturxanigha kirip qalghandin sirt,
hazirgha qeder aqrip baqmighan we dorimu ichmigen.
Islam Qurbanning moxurka chékiwatqinigha 38 yil bolghan bolup, haraq
ichmeydiken.
|
