|
Xitay Eskiri Huang Qiang Putigha Oq Tegip Qansirap Ölgen
Xitay metbu’atliri, buyil 1 – ayning 5 – küni Aqtu nahiyesining Kosrap
yezisi teweside Musteqilliq jengchiliri teripidin étip öltürülgen Xitay
eskiri Huang Qiangning < ajayip > ish – izlirini teshwiq qilishni
dawamlashturmaqta.
Deslepki xewerlerde, Xitay eskiri Huang Qiangning bu qétimqi toqunushta oq
tegip ölgenlikila qisqiche bayan qilinip, ehwalning tepsilati xewer
qilinmighan idi.
< Tianshan tori > ning 1 – ayning 22 – küni bergen xewiride, Huang Qiang
isimlik Xitay eskirining ölüsh jeryani tepsili yer alghan bolup, bu qétimqi
heriketke qatnashqan < Xinjiang jama’et xewipsizlik nazariti > ning 16 –
bashqarmisi qarmighidiki herbiy meshiq bazisining mu’awin mudirining
bildürishiche, umu Huang Qiang bilen jengde birge bolghan, ular Kosrapning
taghliq rayonlirida musteqilliq jengchilirini axturup tutush jeryanida
charchap halidin ketkenmish, Huang Qiang qilche harghinliq hes qilmay, <
baturlarche > algha qarap ilgirligenmish, ular nishangha yétip barghanda
ikki terep otturisida jeng bashlinip ketkenmish, jeng intayin shiddetlik
bolup, Huang Qiang eng xeterlik nuxtida turghini üchün, tuyuqsiz unung
putigha oq tegip yiqilip chüshkenmish, eskerler derhal étilip berip uni
qutquzuwélip, putini tengip qoyghanmish we 7 esker uni kötürüp Taghliq
choqqidin chekinip chüshkenmish, gerche tagh yolining musapisi peqetla 300
métir kelsimu, emma yol intayin japaliq bolghini üchün, eskerler peske
chüshkiche nahayiti köp waqit ketkenmish, yol boyi Huang Qiangning putidin
qan nahayiti köp eqip kétip, taghdin peske chüshkende unung put – qolliri
sowushqa bashlighanmish we 1 – ayning 6 – küni seher 0.30 minut ötkende
Huang Qiang yolda qansirap ölgenmish, u, ölüshtin burun qilghan eng axirqi
sözi bolsa, < diqqet, aldimizda düshmen bar, mening olturghuzup qoyunglar !
> dep waqirighanmish we ikki barmighini körsütüp < ghelibe ishariti >
qilghanmish !
yene < Xinjiang jama’et xewipsizlik nazariti > ning munasiwetlik
emeldarlirining bildürishiche, Huang Qiang isimlik bu Xitay eskirining
siyasi sezgürliki we herbiy iqtidari nahayiti yuqurimish !
|
