|
DUQ Reyisi Rabiye Xanimning,<5 – Fèwral Ghulja Weqesi>ning 10 Yilliqi
Heqqidiki Chaqiriqi
Barliq Teshkilatlargha,
Sherqiy Turkistanliq Wetenperwerlerge;
2007 – yili 5 – Fewral küni, „Ghulja weqesi"ning on yilliq xatire künidur.
1997- yili 2 –ayning 5 – küni, Sherqiy Türkistanning Ghulja Shehride Xitay
mustebitlirining milliy we diniy zulumlirigha qarshi qozghulup, özlirining
Insaniy Heq-Hoquqliri üchün küreshke atlanghan Uyghur perzentliri qanliq
qirghinchiliqqa uchridi. Xitay hökümèti tènichliq sheklide namayishqa
chiqqan Uyghur xelqini neq meydanda zorawanliq wastiliri bilen dehshetlik
basturupla qalmay, yene minglighan wetenperwer yashlarni Turmigha qamidi we
ètip öltürdi. Eshu qanliq pajiedin aman qalghan yene minglighan yashlar
weten ichi we sirtida sersanliq hayatqa mehkum qilindi.
„5-Fewral Ghulja weqesi" Uyghur bügünki zaman tarixida „Barin inqilawi" din
kèyin meydangha kelgen Sherqiy Türkistan xelqining yene bir qètimliq shanliq
mujadile sehipisidur. Bu weqe Ibrahim Ismail, Abduxèlil qatarliq yüzligen
Uyghur perzentlirining pajielik ölümi bedilige Sherqiy Türkistan milliy
mujadilisini dunya siyasiy sehnisige èlip chiqti. Weten ichidila emes, Weten
sirtidimu öz millitining teqdiri üchün bijanidil küresh qilidighan
nurghunlighan teshkilatlarni we siyasetchilerni yaratti.
Dunya Uyghur Qurultiyi rehberligidiki Dunyaning herqaysi jayliridiki
teshkilatlar her yili 5 – Fewral künini „Ghulja weqesi" ning xatire küni dep
qarap, özliri turushluq döletlerde türlük shekillerdiki xatirilesh
paaliyetlirini uyushturush we Xitay elchixaniliri aldida namayishlar
ötküzüsh, Shèhidlarni eslesh bilen birge, Xitay mustebit hökümètining qanliq
qirghinchiliqlirini eyiplep, Dunya jamaitige Sherqiy Türkistan xelqining
Erkinlik, Dèmokratiyege we musteqilliqqa bolghan tewrenmes iradisini namayen
qilip keldi. Shèhidlarning qènigha bolghan hörmet we erkinlikidin, insaniy
qedir – qimmitidin mehrum bolghan onminglighan tutqunlarning jasaritige
bolghan iptixar hem ularning azatliqigha bolghan tileklirimiz her yili bu
xatire künlirinide, bizni Xitay mustebitlirige bolghan ghezep –
nepretlirimizni her xil shekillerde ipadileshke türtke bolup kelmekte.
Bu munasiwet bilen Dunya Uyghur Qurultiyi, bu yilmu dunyaning her qaysi
jayliridiki Uyghur teshkilatliri, Xelqar Kechurum teshkilati qatarliq
xelqara insan xelqiri teshkilatliri, Tibetlikler, Xitay Demokiratliri,
Falungungchilar we Ichki Monggul teshilatliri bilen jiddi hemkarliq ornutup,
ularningmu yardimini qolgha keltürüp, ortaq seperwerlik qozghap, tèximu zor
kölemde narazliq paaliyetliri uyushturushning teyyarliq xizmitini hazirdin
bashlap jiddi ishleshni we 2007 – yili 2-ayning 4-künidin 6 – künigiche
bolghan waqit ichide özi turushluq dölettiki Xitay Bash elchixanisi yaki
konsulxanisi aldida namayish èlip bèrish, Muxpirlarni kütwélish yighini
ötküzüsh, Bayanat ilan qilish qatarliq herxil shekildiki paaliyetlerni élip
berishqa chaqiridu. teshkilat mes`ullirining konkirtni teyyarliq xizmetliri
heqqide Qurultay bash katipliqini 1 – ayning 20 – künidin burun
waqiplandurup qoyushini iltimas qilidu.
Hörmet bilen:
Rabiye Qadir
DUQ reisi .
2006 - yili 12 – ayning 19– küni.
|
