|
Ghuljida Turushluq Bingtuanlik Xitaylar Yurtlirigha Qaytish Üchün Hökümetke
Bésim Ishletmekte
Ghuljida Turushluq Bingtuanlik Xitaylar Yurtlirigha Qaytish Üchün Hökümetke
Bésim Ishletmekte
ETIC ning bildürishiche, yéqinda Bingtuanning Ghuljida turushluq tuan –
meydanliridiki beti xitaylar, < öz yurtimizgha qaytimiz > dep jidel chiqirip,
Bingtuan rehberlirige we hökümet tarmaqlirigha besim ishlitishke bashlighan.
Ular, < eger yuquri derijilik rehberlik téliwimizni qobul qilmisa, kochigha
chiqip namayish qilimiz > dep tehdit sélishqa bashlighan.
Bingtuanning 4 – dewiziyesi Ili rayonigha jaylashqan bolup, bash shitabi
Ghulja shehride. Bingtuanning 4 – dewiziyesi, 1962 – yilidiki chong qach –
qachta yötkep kélinip ghuljigha yerleshtürülgen we unung qarmighidiki
birqanche 100 ming Xitay eyni chaghda Soweyt ittipaqigha qechip ketken
Uyghurlarning qoro – jaylirigha orunlashturulghan idi. Shundin buyan
Bingtuanning bu 4 – dewiziyesi, Illi rayonida Xitay hakimiyitige qarshi
yüzbergen xelq isyanlirini basturushta aktip we mohim rol oynap kelmekte.
1997 – yilidiki < 5 – fewral > ghulja weqesini basturush herikitigimu 4 –
dewiziye qarmighidiki Xitay Xelq eskerliri biwaste qatnahqan idi.
Bezi Uyghur siyasi küzetküchiler, < Bingtuanlik Xitaylar Sherqiy Türkistanda
küchüyiwatqan milliy heriketlerdin ürkügini üchün, tapqan – terginini yighip
yurtigha qéchishning koyigha chüshken, chünki buxil hadisiler ilgirimu köp
qétim körülgen > dep qarimaqta.
ETIC, yuqarqi weqe heqqide yenimu tepsili melumat élishqa tirishmaqta.
|
