|
< Bingtuan Saqchi Idarisi >, Ürümchide Axbarat Elan Qilish Yighini Chaqirdi
Buyil 1 – ayning 5 – küni Aqtuning Kosrap yézisi teweside yüz bergen
qoralliq toqunushtin buyan, Xitayning Sherqiy Türkistandiki her derijilik
Partiye, hökümet, armiye we qanun tarmaqliri atalmish < 3 xil küchlerge
qarshi turush > digen mezmonda arqa – arqidin jiddi yighinlar chaqirip,
yerlik xelqqe qarita tere taraqshitip kelmekte.
Weqedin keyin, Aldi bilen < Aptonom Rayonluq Siyasi – Qanun > yighini
chaqirilghan, Arqidinla < Xinjiang jama’et xewipsizlik nazariti > teripidin
axbarat elan qilish yighini chaqirildi, bir nechche kün burun yene Ürümchide
< Xinjiang herbiy rayoni partikomi > ning jiddi kengeytilgen yighini
ötküzüldi. Nöwette Ürümchide chaqiriliwatqan < Aptonom Rayonluq xelq
Qurultiyi > yighini bilrn, < Aptonom Rayonluq Siyasi kengesh yighini > ning
mohim küntertiplirining birimu yene oxshashla < 3 xil küchler > ge zerbe
berishtin ibaret.
Buxil tere taraqshitish karwinigha emdilikte yerlik xelq teripidin < jallat
qoshun > dep atalghan < Bingtuan > mu qoshuldi.
< Tianshan tori > ning xewer qilishiche, 1 – ayning 16 – küni < Bingtuan
saqchi idarisi >, Ürümchide Axbarat elan qilish yighini chaqirip, Bingtuan
saqchilirining < 3 xil küchler > ge ünümlük zerbe berip, < Xinjiangning
tenich we muqimliqi > üchün zor töhpe qoshqanlini bayan qilghan.
Yuqarqi xewerde körsütülishiche, 2006 – yili Bingtuan boyiche yüz bergen
jinayi ishlar dilolirining sani 10 ming 278 qetim bolup, bu dilolarning
55.47 pirsenti pash qilinghan.
Ötken bir yilda Bingtuan boyiche yüz bergen Qatilliq dilolirining sani 91
qetim bolghan.
Emma bezi uyghur siyasi küzetküchiler, Sherqiy Türkistanda nöwette yüz
beriwatqan qatilliq, bulangchiliq, basqunchiliq we oghruluq dilolirining köp
qismini Bingtuanlik Xitaylarning sadir qiliwatqanliqini, yerlik qanun
tarmaqlirining ularni jazagha tartish salahiyiti bolmighini üchün, bu Xitay
jinayetchilerning Bingtuan sotliri teripidin simowul xarektirlik ynik
jazalargha tartilghanliqini, shunga Bingtuanlik Xitaylarning xorikining
barghansiri eship ketiwatqanliqini bayan qilishmaqta.
Undin bashqa yene Bingtuan qanun tarmaqliri we qoralliq küchliri, Xitay
hakimiyitining Sherqiy Türkistandiki milliy heriketlerni basturushidiki eng
asasliq we ishenchilik qoshuni bolup, Uyghur siyasi qachqunlarni axturup
tutush, tuyuqsiz yüz bergen Milliy isyan we topilanglarni basturush
wézipisini Bingtuan öz üstige élip kelmekte.
|
