Qeshqer We Hotendiki Dehqanlarning Kirimi, Sherqiy Türkistanning Otturiche Sewiyesidin Xelila Töwen

< Tianshan tori > ning 1 – ayning 12 – küni xewer qilishiche, nöwette Ürümchide chaqiriliwatqan < Aptonom rayonluq yéza xizmiti yighini > da, Sherqiy Türkistanning Uyghurlar zich olturaqlashqan jenobi rayonliridiki déhqanlarning yilliq kishi béshigha toghra kélidighan otturiche kirimining, pütün Sherqiy Türkistandiki déhqanlarning otturiche sewiyesidin xélila töwenliki otturigha qoyulghan.

Mezkur xewerde bayan qilinishiche, 2006 – yili < Aptonom Rayon > boyiche déhqanlarning kishi béshigha toghra kelgen yilliq kirimi 2742 yuan bolghan bolsa, shu yili Hotendiki déhqanlarning kishi béshigha toghra kelgen yilliq kirimi 1499 yuan, Qeshqerning 2072 yuan bolghan.

Gerche nöwette Qeshqer, Atush we Hondin ibaret 3 wilayettiki yéza noposi, pütün Sherqiy Türkistandiki yéza noposining yérimigha yéqinraqini teshkil qilsimu, emma jenoptiki bu wilayetlerde terilghu yer kölümi az, emgek küchi köp bolushtek weziyet mewjut iken.
Bezi statiskilarda, Sherqiy Türkistandiki Bingtuanni asas qilghan Xitay déhqanlirining yilliq otturiche kirimi 4000 yuan etrapida dep körsütülmekte.

Sherqiy Türkistanning Uyghurlar zich olturaqlashqan jenobiy rayonliridiki déhqanlarning kirimining töwen bolushidiki asasliq sewep, Xitay hakimiyitining bu rayonlarni tereqqi qildurushqa ehmiyet bermigenliki we bu rayonlarning yéza igilikining tereqqiyati üchün hökümet tereptin meblegh selinmay tashliwetilgenlikidin ibaret..