|
Xitay Hökümiti Sherqiy Türkistandiki Yerlik Charwichilarni Sheherlerge We
Déhqanchiliq Rayonlirigha Köchürüshni Pilanlimaqta
< Xitay axbarat agentliqi > ning 1 – ayning 12 – küni xewer qilishiche,
Xitay hökümiti Sherqiy türkistanda 2007 – yilidin etibaren her yili ottura
hésab bilen 150 – 200 ming charwichini sheher we déhqanchiliq rayonlirigha
köchürüshni pilanlighan.
Nöwette Ürümchide chaqiriliwatqan < Xinjiang yéza xizmiti > yighinida, <
aptonom rayonluq partikom > ning sekritari söz qilip, Sherqiy Türkistanning
taghliq rayonliridiki yerlik charwichilarni buyildin etibaren teshkillik
halda sheher we déhqanchiliq rayonlirigha köchürüsh tekliwini otturigha
qoyghan we bu heqte izahat bergende, < bu arqiliq, Xinjiangdiki
charwichilarning kirimini ashurup, turmush sewiyesini yuquri kötergili
bolidu > dep körsetken.
Emma chetellerdiki bezi uyghur siyasiyonlar, Xitay hökümiti teripidin
tuyuqsiz élinghan bu radikal qararni, texi yeqindila yüzbergen < Pamir
weqesi > ge baghlap qarimaqta.
Ular, < adette taghliq rayonlardiki charwichilar kompartiyening siyasi
tesirige anche chongqur uchrap ketmeydu, Xitay hökümitining ularni konturol
qilishimu tes idi, shunga yillardin buyan Xitay hakimiyiti taghliq
charwichiliq rayonlarning öp – chörisige Bingtuanning bezi tuan –
meydanlirini orunlashturush arqiliq, yerlik charwichilarni biwaste
konturolliqigha élishqa tiriship kelgen bolsimu, emma anche muwapiqiyetke
eriship ketelmigen idi, Xitay hökümiti emidilikte ularni öz makanliridin
ayrip, sheherlerge we déhqanchiliq rayonlirigha köchürüsh arqiliq, ularni
pütünley nazaret astigha almaqchi > dep qarimaqta.
Yuqarqi xewerde körsütülishiche, nöwette Sherqiy Türkistanning taghliq
rayonlirida yashawatqan charwichilarning omomiy sani texminen 2 milyon
etrapida bolup, ularning köpünchisi teghritaghlirining chongqur qisimlirida
yashaydiken.
Xitay hökümitining buxil singdürüp yoqutush pilanigha Charwichilarning
qandaq inkas qayturidighanliqi hazirche namelum.
|
