|
< Xitay Metbu’atliri, Aqtudiki Toqunushta Ölgen Xitay Eskirini Keng –
Kölemde Teshwiq Qilishqa Bashlidi
Nöwette Sherqiy Türkistandiki pütün Xitay metbu’atliri, 1 – ayning 5 – küni
Aqtuning Kosrap yézisida Musteqilliq jengchiliri teripidin étip öltürülgen
Huang Qiang isimlik Xitay eskirini keng – kölemde teshwiq qilishqa bashlidi.
< Xinjiang iqtisat géziti > ning xewer qilishiche, 1 – ayning 10 – küni <
Xinjiang jama’et xewipsizlik nazariti > Ürümchide Huang Qiangning ayilisi
üchün mexsus axbarat elan qilish yighini chaqirip bergen.
Huang Qiangning ata – anisining bayan qilishiche, Huang Qing tughulishidinla
< batur we qeyser > mish, kichigidinla < wetenperwer > mish, 13 yeshigha
kelgendila esker bolup, wetinige xizmet qilish niyitige kelgenmish, 1 –
ayning 5 – künidiki jengdimu sebdashlirigha, < aldimizda düshmen bar, mening
bilen karinglar bolmusun ! > dep, < Düshmen > ge qarap étilghanmish we bir
pay oq bilenla düm chüshkenmish !
< Terorizimgha qarshi qehriman Huang Qiangning ayilisidikiler bilen
uchrushush > dep nam berilgen bu qétimqi muxpirlarni kütiwélish yighinigha,
yurti Si Chuan ölkisidinmu bezi partiye – hökümet rehberliri kélip
qatnashqan.
Yuqarqi xewerde körsütülishiche, 1985 – yili Xitayning Si Chuan ölkiside
tughulghan Huang Qiang, 2003 – yili esker bolup Sherqiy Türkistangha kelgen,
2005 – yili 11 – ayda < Aptonom Rayonluq Jama’et Xewipsizlik nazariti > ning
16 – bashqarmisigha jandarma bolup orunlashqan.
Xewerde körsütülishiche, Huan Qiang ölgen küni unung ma’ash alidighan küni
bolup, undin birnechche kün burun ata – anisigha téléfon qilip, < 5 – chisla
ma’ashimni élipla silerge iwetip berimen > digenmish, Huang Qiang yene ata –
anisigha, < men silerni Xinjianggha köchürüp kélip yerleshtürimen > dep wede
bergenmish.
|
