Xitay Jama’et Xewipsizlik Ministirliki Bayanat Élan Qilip, < Teror Teshklilatliri We Teroristlarni Bekitishte Xelqara Qanungha Tayiniwatimiz > Dep Biljirlidi

< Xinhua axbarat tori > ning xewer qilishiche, 1 – ayning 9 – küni, Xitay jama’et xewipsizlik Ministirliki ishxanisining mu’awin mudiri we axbarat bayanatchisi Wu He Ping, bu qétimqi Aqtu weqesi munasiwiti bilen Bei jingda chaqirilghan axbarat elan qilish yighinida qilghan sözide, Xitay hökümitining téror we téroristlarni bekitishte xelqara qanunlarning mezmonigha tayanghanliqini ilgiri sürgen we bu qanunlargha örnek süpitide, < Shanghai Hemkarliq Teshkilati > teripidin maqullanghan “ terorizimgha, bölgünchilikke we radikalizimgha qarshi shanghai ehdinamisi „, shundaqla, Birleshken döwletler teshkilati teripidin bekitilgen Xelqara terorizimgha qarshi bézi qanun – belgilimilerni misal qilip körsetken.

Wu He Ping yene, Xitay hökümitining 2003 – yili 12 – ayning 15 – küni, < Sherqiy Türkistan Islam herikiti >, < Sherqiy Türkistan Azatliq Teshkilati >, < Dunya Uyghur Yashlar Qurultiyi > we < Sherqiy Türkistan Informatsiyon Merkizi > qatarliq 4 teshkilatni Dunyagha, < terorist teshkilatlar > dep elan qilghandimu ene shu Xelqara qanunlargha asaslanghanliqini ilgiri sürgen.

Emiliyette bolsa eyni chaghda Xitay hökümiti teripidin yuqarqi 4 teshkilat < terorist teshkilat > dep elan qilinghandin keyin, Xitayning bu tizimlikining hech bir döwlet teripidin étirap qilinmighanliqi, eksiche köpligen demokratik ellerning Xitayni, < terorizimni bahane qilip Uyghurlarning milliy heriketlirini rehimsizlerche basturiwatidu > dep eyipligenlikining özila, Xitayning atalmish < terorist we terorist teshkilatlar > ni bekitishte hech bir zaman Xelqara qanunlargha tayanmighanliqining janliq bir délili idi. Unung üstige atalmish < Shanghai hemkarliq teshkilati > teripidin elan qilinghan < ehdiname, kélishimname, pirinsip we nizam > larmu che bir zaman demokratik eller teripidin étirap qilinghan emes, eskiche Demokratik ellerning neziride bularning hemmisi, Xitaygha oxshash mustebit, Dektator, gheyri demokratik ellerning öz xelqi ichidiki öktichi küchlerni basturush üchün toqup chiqqan gheyri insani < qanun > lardin ibaret idi.