Sherqiy Türkistan, Xitay Qatillirining Panahlinish Makanigha Aylinip Qaldi

Nöwette Sherqiy Türkistanda yashawatqan Xitay köchmenlirining köp qismining, eyni chaghda Xitayning ichki ölkiliridin yötkep kélingen jinayetchiler we ularning ayile – tawabatliridin teshkil tapqanli hemmimizge ayan.

Xitay metbu’atlirigha qaraydighan bolsaq, SHerqiy Türkistanda yüz beriwatqan chong qatilliq dilolirining hemmisini digüdek Xitaydin qechip kelgen aqqun xitaylarning sadir qiliwatqanliqini körüwélish tes emes. Hazir Sherqiy Türkistan, Xitayning herqaysi ölkilirini chong jinayet sadir qilghan Xitaylarning qechip kélip yoshurunidighan we qayta jinayet sadir qilidighan makanigha aylinip qalghan.

Mesilen, < Xinjiang iqtisat géziti > ning 1 – ayning 11 – künidiki xewiride körsütülishiche, Ürümchi tömüryol saqchi idarisi 1 – ayning 9 – küni Ürümchi poyez istansisida ichkiridin qechip kelgen 4 neper jinayetchini qolgha chüshürgen bolup, bular, Xitayning He Nan ölkiside adem öltürgen weh’shi qatillar iken. He Nan saqchi idarisi bu qatillarning Sherqiy Türkistangha qachqanliqi heqqide aldin uchur bergen, bu uchurgha asasen, Ürümchi saqchiliri bu 4 qatilni poyez istansisida qolgha chüshürgen.