Barin Etrapidiki Jengde Milliy Küreshchiler Teripidin Öltürülgen Xitay Eskiri Huang Qiang Üchün Ürümchide Heshemetlik Depne Murasimi Ötküzüldi

< Tianshan tori > ning xewer qilishiche, 1 – ayning 5 – küni Sherqiy Türkistanning Aqtu nahiyesi tewesidiki Kosrap yézisida musteqilliq jengchiliri bilen Xitay eskerliri otturisida chiqqan keng kölemlik qoralliq toqunushta oq tegip ölgen Xitay eskiri Huang Qiang üchün bügün chüshtin burun Ürümchide heshemetlik depne murasimi ötküzülgen.

Depne murasimigha, < Aptonom Rayon > ning partiye, hökümet we armiye rehberliri, Hung pemililik Xitay eskirining ata – ana we uruq tuqqanliri, shundaqla köp sanda esker, saqchi we jandarma qatnashqan.

< Aptonom rayonluq partikom > ning mu’awin sekritari Nurbekri, depne murasimida Hung pemililik Xitayning ata – anisidin hal sorap qilghan sözide, yighlamsirap turup nomussizlarche, < Huang Qiang, Zhungguoning bixeterliki, Xinjiang xelqining xatirjemliki üchün qimmetlik hayatini teqdim qildi, Xinjiangdiki her millet xelqi qehrimanimiz Huang Qingni meng’gü yad étidu, siler bir yax’shi perzent terbiyilepsiler, Xinjiangdiki her derijilik hökümetler silerge ali ehtiram bildüridu > digen.

< Tianshan tori > ning yuqarqi xewiride, bu qétimqi weqening, Aqtu nahiyesining Kosrap yézisida yüz bergenliki bayan qilinghan bolup, Xitay hökümiti teripidin bundin bir kün burun elan qilinghan axbaratta, bu weqening Pamir taghlirining yuquri qismida yüz bergenliki qeyt qilinghan idi.

Xitay jama’et xewipsizlik ministirliki, Musteqilliq jengchiliri teripidin étip öltürülgen 21 yashliq Huang Qianggha, < Inqilawiy qurban > dep nam bergen.

< Xinjiang jama’et xewipsizlik nazariti > bolsa Hung Qingni < resmiy kompartiye ezasi > dep tonup, < 1 – derijilik xizmet körsetti > dep enge alghan.

< Sherqiy Türkistan Informatsiyon Merkizi > ning pirezidenti Abdujélil Qaraqash ependi bu xewer heqqide özining qarashlirini otturigha qoyup, < milliy munapiq Nurbekrining depne murasimida qilghan sözliri heqiyqeten insanni yirgendüridu, her zaman öz xelqi bilen düshmenliship kelgen, öz xelqining menpe’eti üchün emes, belki öz xelqighe pütmes – tügimes balayi – apetlerni élip kelgen Xitay mustemlikichilirining menpe’etliri üchün xizmet qiliwatqan Nurbekridek milliy satqunlargha xelqimiz choqum tegishlik jawapni béridu, buxil insanlar ebediyen xelqimizning yüz qarisidin ibaret ! > dep körsetti.

Abdujélil Qaraqash ependi yene, chetellerdiki pütün Uyghur teshkilatlirini we Uyghur jama’etlirini, 1 – ayning 5 – künidiki qanliq jengde hayatidin ayrilghan 18 neper shehidimizning rohliri üchün mewlüt we xetne – qur’an ötküzüshke, ularning ata – ana we perzentliri üchün yardep kampaniyesi élip bérishqa chaqirdi.