|
Sherqiy Türkistanda Xitay Eskerliri Bilen Musteqilliq Jengchiliri Otturisida
Keng Kölemlik Qoralliq Toqunush Yüz Berdi
Öz xewirimiz: bundin bir kün burun, yeni 1 – ayning 7 – küni, Germaniyediki
< Sherqiy Türkistan Informatsiyon Merkizi > teripidin weten ichidin biwaste
qolgha chüshürülgen jiddin bir axbarat élan qilinghan we bu axbaratta,
Sherqiy Türkistanning Barin yezisi etrapida 50 neper milliy küreshchi bilen
Xitay saqchiliri otturisida toqunush yüz bergenliki, musteqilliq
jengchilirining bir qismining qolgha chüshüp qalghanliqi, yene bir qismining
bolsa qéchip qurtulghanliqi bayan qilinghan idi.
ETIC teripidin élan qilinghan bu jiddi axbarat, chetel metbu’atliri
teripidinla emes, hetta Xitay metbu’atliri teripidinmu toghrilandi.
Bügün, yeni, 1 – ayning 8 – küni, < Xinjiang jama’et xewipsizlik nazariti >
axbarat elan qilish yighini chaqirip, 1 - - ayning 5 – küni Sherqiy
Türkistanning Pamir teghi rayonida Xitay eskerliri bilen musteqilliq
jengchiliri otturisida chong qoralliq toqunush yüz bergenlikini bayan qildi.
< Tianshan tori > ning bu heqtiki xewiride körsütülishiche, 2002 – yili 9 –
ayning 11 – küni cheteldin kirgen < Sherqiy Türkistan Islam herikiti >
teshkilatining tayanch küchliri wetenge kirip, ular Pamir teghining yuquri
qisim rayonida Herbiy telim – terbiye bazisi qurghanmish, 2007 – yili 1 –
ayning 5 – küni Xitay armiyesi bu heqte qolgha chüshürgen axbaratigha asasen,
Pamir teghidiki Musteqilliq küchlirige qorshap hujum qilghan, musteqilliq
küchliri Xitay eskerlirige qattiq qarshiliq körsetken.
Xitay hökümitining elan qilghan sanida, bu qetimqi toqunushta Xitay tereptin
bir esker ölgen, biri yarilanghan, Musteqilliq jengchiliridin 18 kishi
qurban bolghan, 17 nepiri qolgha élinghan, Xitay terep 22 dane aptomatik qol
bombisi, 1500 din artuq giranatni qolgha chüshürgen, Musteqilliq
jengchilirining bir qismi qorshawni yérip chiqip ketken, hazir Xitay
armiyesi Sherqiy Türkistan miqyasi boyiche omomiy yüzlük qoghlap tutush
herikiti bashlighan.
Emma, < Sherqiy Türkistan Informatsiyon Merkizi > ning deslepte igelligen
uchurigha asaslanghanda, bu qetimqi qoralliq toqunushta Xitay terepning
chiqimimu eghir bolghan, Xitay hökümiti Xitay köchmenliri arisida wehime
peyda bolushining aldini élish üchün, heqiyqi sanliq melumatni yoshurup,
Xitay tereptin ölgen we yarilanghanlarning sanini az qilip körsetken.
Yene bir tereptin, < Sherqiy Türkistan Informatsiyon Merkizi > ning
igelligen deslepki axbaratida, bu qetimqi qoraqlliq toqunushnung meshhur
Barin yezisi etrapida yüz bergenliki bayan qilinghan idi, emma Xitay
hökümiti Uyghur Xelqi ichide < Barin rohi > ning qaytidin ajnlinip
ketishidin ensirep, peqetla < Pamir téghi rayonida yüz bérdi > diyishke
mejbur bolghan.
< Sherqiy Türkistan Ingormatsiyon Merkizi > bu weqe heqqide yenimu tepsili
melumat élishqa tirishmaqta.i
|
