DUQ Reyisi Rabiye Xanimning Kanada Ziyariti Weten Sirtidiki Uyghurlar Ichide Zor Tesir Qozghidi

( Sürette: Rabiye Xanim bashchiliqidiki DUQ hey’iti Kanada bash ministiri Stephen Harper ependi bilen birge )

Öz xewirimiz: < Dunya Uyghur Qurultiyi > ning reyisi Rabiye Qadir Xanimning ötken ayda Kanadagha qilghan bir heptilik ziyariti jeryanida erishken muwapiqiyetliri, weten sirtida pa’aliyet elip beriwatqan Uyghur teshkilatlirini, shundaqla herqaysi ellerde yashawatqan Uyghur jama’etlirini alahide söyündürdi. Rabiye xanimning bu qetimqi ziyariti heqqidiki ijabi munaziriler taki hazirghiche dawam qilip kelmekte.

Germaniyening München shehride pa’aliyet elip beriwatqan < Sherqiy Türkistan Informatsiyon Merkizi > ning pirezidenti Abdujelil Qaraqash ependi, bu heqtiki qarashlirini izhar qilip, < Milliy rehbirimiz Rabiye Xanimning bu qetimqi Kanada ziyariti jeryanida Kanada bash ministiri teripidin qobul qilinishi we Rabiye Xanimning Kanada parlamentida qizghin bir shekilde qarshi elinishi, Milliy herikitimizning Xelqaradiki tesirining we nopozining teximu kücheygenlikining roshen bir ipadisi, meningche buni tarixiy bir ziyaret dep qarash mumkin > dep körsetti.

Abdujelil Qaraqash ependi yene, Rabiye Xanimning bu qetimqi ziyaritining mukemmel bir shekilde elip berilishida mohim rol oynighan we bu ziyaretni orunlashturghan < Kanada Uyghur jemiyiti > we unung reyisi Memet Tohti ependigimu yuquri baha berdi.