Saudi Erebistandiki < Türkistan > Radiosining Muxpiri Muhemmet Yüsüp Hajim ETIC ni Ziyaret Qildi

<Öz xewirimiz: yéqinda, Saudi Erebistanning Jidde shehridiki < Türkistan Radiosi > Uyghurche bölümining muhpiri we purogram riyasetchisi Muhemmet Yüsüp Qari Hajim, merkizi orgini Germaniyening München shehridiki < Sherqiy Türkistan Informatsiyon Merkizi > ning ishxanisini ziyaret qilip, merkezning pirezidenti Abdujelil Qaraqash ependi bilen söhbet élip bardi.

Muhemmet Yüsüp Qari hajim, chetellerdiki Uyghurlar ichide közge körüngen iqtidarliq yash diniy zatlirimizning biri bolup, unung yazghan köpligen diniy eserliri Uyghurlar ichidila emes, hetta Saudi erebistanning yerlik xelqi arisidimu tesir qozghighan idi.

Bu qétimqi ziyaret jeryanida Muhemmet Yüsüp Hajim, < Sherqiy Türkistan Informatsiyon Merkizi > ning xizmetlirige yuquri baha berdi we ETIC ning, chetellerde élip bériliwatqan Sherqiy Türkistan Milliy herikitide intayin mohim rol oynawatqanliqini tekitlep ötti.