Germaniyediki Uyghurlar Qurban Heyt Namizini Dunya Uyghur Qurultiyi Merkizi Orginida Tesis Qilinghan Jamide Birlikte Ötküzdi

Öz xewirimiz: birqanche yildin buyan Germaniyede yashawatqan Uyghurlar Heyt namazlirini birge ötküzüshni adetke aylandurup kelmekte.

Germaniyediki Uyghur jama’iti Bu qetimqi qurban heyt namizimu < Dunya Uyghur Qurultiyi > merkizi orgini teripidin tesis qilinghan jamige toplunup birge ötküzdi.
< Dunya Uyghur Qurultiyi > diniy ishlar komutetining reyisi Turghunjan Alawudun hajimning imamliqida ötküzülgen bu qetimqi Qurban heyt namizigha, Germaniyede yashawatqan Uyghurlarning hemmisi digüdek toluq qatnashti we hetta birqanche yüz kilometir yiraqliqtiki sheherlerde yashawatqan Uyghurlarmu alahide München shehrige kélip, heyt namizini Uyghur qérindashliri bilen birge ötküzdi.

Germaniye waqti etigen sa’et 9 etrapida bashlanghan heyt namizida, imam turghunjan hajim teripidin oqulghan Xutbide, pütün sherqiy türkistanliqlarning birlik, barawerlik ichide bolushi lazimliqi alahide tekitlendi.

Namazdin keyin, pütün jama’et bir – birining heytini mubarekleshti we < Dunya Uyghur Qurultiyi > teripidin orunlashturulghan kolliktip heytlash pa’aliyitige qatnashti.
Bu heqte teximu tepsili melumatqa ige bolmaqchi bolsingiz, < Sherqiy Türkistan Informatsiyon Merkizi > teripidin tesis qilinghan internet téliwiziyesi < u – tv > ning yéngi purogrammisigha diqqet qiling !