Gérmaniyede Tughulush nisbiti 2 – Dunya Urushidin Buyanqi Eng Töwen Sewiyege Chüshti

Gérmaniyede tughulush nisbitining yildin – yilgha töwenlep bérishi, nemis xelqini endishilendürmekte, Gérmaniyening eng köp tirajliq < Bild > gézitide élan qilinghan bir maqalide, < yene 12 ewlattin kéyin Némis xelqi yoqap kétishi mumkin > digen qarash otturigha qoyuldi.
2005 – yili Gérmaniyede tughulghan bowaqlarning omomiy sani 676 ming neper bolup, bu reqem, ikkinchi dunya urushidin buyanqi eng tüwen reqem hisaplinidu, unung üstige ötken yili tughulghan bu bowaqlarning eng az 3 ten béri Gérmaniyediki chetellik köchmenlerning.

< Bild > gézitining, < nime üchün bala tughmaysiz ? > digen soaligha Nemis ayallirining bergen jawabi töwendikiche:

- Bala alghudek muwapiq bir er tapalmidim
- Istiqbalim nahayiti mohim, awal hayatning temini tetishim kerek, bala beqishqa köp chiqim ketidu

Gérman metbuatlirida yer alghan xewer we analizlarda, Gérmaniyede < büyük ayile qarishi > ning peydin – pey yoqulushqa bashlighanliqi, shexsiyetchi, söygü we pidakarliq tuyghusidin yoqsun, özinila oylaydighan, mesuliyettin qachidighan yash bir ewlatning barliqqa kelgenliki ilgiri sürülmekte.
Gérmaniyediki < Frankfurter Allgemeine Zeitung > gézitining yazghuchisi Frank Schirrmacher ependi bu heqte yazghan esiride, Nemis xelqining shexsiyetchiler we egoistlar topluluqigha aylinip qalghanliqini, tughulush nisbitini ashurush üchün peqetla hökümetning ijtimayi parawanliq jehettiki emtiyaz teshwiqi we iqtisadi jehettiki yardemlirining kupaye qilmaydighanliqini, shexislerning özliriningmu shexsiyetchiliktin waz kechip, pidakarliq körsütishi kerekligini otturigha qoydi.
Gérmaniyede tughulush nisbitining aziyishigha egiship, yashanghanlarning nisbitimu üzlüksiz eship barmaqta, yashanghanlar mesilisi hazir Gérmaniyening eng jiddi ijtimayi mesililirining birige aylandi, ölüsh nisbitimu yildin – yilgha töwenlep barmaqta.
Gérmaniyening eng nopozluq metbuatlirining biri hisaplanghan heptilik < DER SPIEGEL > jornilimu yuqarqi mesilini xeterlik bir segnal süpitide ötken heptilik sanining bash muqawisigha tema qilghan idi. .