Xitay, 2010 – Yiligha Barghanda Qaramayning Yilliq Néfit Ishlepchiqirish Miqdarini 20 Milyon Tonnigha Yetküzmekchi

< Xinhua axbarat tori > ning 3 – ayning 13 – küni bergen xewiride körsütülishiche, Xitay hökümiti Qaramay nefitlikining yilliq xam nefit ishlepchiqirish miqdarini 2010 – yiligha barghanda 20 milyon tonnigha yetküzüshni pilanlighan.

Mezkur xewerde bayan qilinishiche 2005 – yili Qaramay nefitlikining yilliq nefit ishlepchiqirish miqdari 11 milyon 700 ming tonnigha yetken bolup, bu nefitlikning ishlepchiqirish miqdari 25 yildin buyan izchil türde éship barghan.
Undin bashqa yene Qaramay nefitlikining Tebiygaz ishlepchiqirish miqdari 2 milyart 900 milyon kup/metirgha yetken.

Xewerde körsütülishiche, Qaramay nefitliki nöwette Xitayning Sherqiy Türkistandiki asasliq nefit ishlepchiqirish bazisi bolupla qalmay, belki yene asasliq nefit mehsulatlirini pishshiqlap ishlesh bazisi bolup, yilliq xam nefitni pishshiqlap ishlesh iqtidari 15 milyon tonnigha yetip baridu. Asasliq nefit mehsulatliri – Benzin, selerke qaratliqlarni öz ichige alidu.
Gerche Sherqiy Türkistan Xitayning eng asasliq néfit mehsulatlirini ishlepchiqirish bazilirining biri hisaplansimu, emma qiziqarliq yeri shuki, bu rayonda Benzin we selerkining bahasi Xitayning ichki ölkiliridin qimmet bolup, Sherqiy Türkistanning jenobiy rayonlirida Uyghur dehqanlirining benzin we selerke sétiwélishqa qurbi yetmigini üchün, terektur, kombayin qatarliq zamaniwiy dehqanchiliq mashinlirini ishlitelmey, yenila burunqidek iptidayi shekilde dehqanchiliq qilishqa mejbur bolup kelmekte.

.