Tömüryolgha Tash Qoyup Poyiz Tosughan Ikki Uyghur Ösmür Xitayni Qorqutup Jénini Aldi

< Xinhua axbarat tori > ning 3 – ayning 10 – küni Ürümchidin bergen xewiride körsütülishiche, mushu ayning 8 – küni 18.20 etrapida, Ürümchi Poyiz istansisidin qozghulup yolgha chiqqan 41012 – qetimliq yük poyizi, ulambay terepke qarap sa’itige 60 kilometirliq süret bilen ketiwatqanda, ushtumtut poyiz shopuri aldidiki yol üstide tosaq barliqini bayqap, jiddi tormuz tutqan, poyiz tosaqqa aran 5 cm qalghanda aran toxtighan, bunung bilen, poyiz rélistin chiqip ketishtek chong bir qazaning aldi élinip qalghan.

Weqedin kéyin, Ürümchi tömüryol saqchi idarisi neqmeydanda tekshürush élip bérish arqiliq, tömüryol üstidiki tosaqning qesten qoyup qoyulghanliqini bayqighan we uni < intayin zor amanliq dilosi > dep bekitip, 20 nechche saqchi shu etrapta jiddi charlash élip barghan, charlash jeryanida saqchilar, tömüryolning üstide ulambay tereptin sirtqa qarap kétiwatqan 14 – 15 yashlardiki ikki neper Uyghur balini tutiwalghan, soraq arqiliq, bu ikki balining eslide Qeshqerlik ikenliki, ötken yili 3 – ayda mektep we öyidin qechip Xitayning Zhengzhou shehrige barghanliqi, yéqinda yene yük poyizigha yamiship Ürümchige kéliwalghanliqi, Ürümchidin yurtigha qaytmaqchi bolup tömüryol yaqilap Qeshqerghe qarap piyade yolgha chiqip, ulambay etrapida poyiz toxtutup chiqiwélish meqsidide tömüryolgha bir biton taxta we 3 chong qoramtash qoyup qoyghanliqi melum bolghan.