Bingtüenni Yülesh, Yerliklerni Özining Yeghida Qorush Siyasiti

Kommunist Xitay hakimiyitidin buyan Sherqiy Türkistanda ikki hökümet mewjut bolup keldi, biri - atalmish < Aptonom rayonluq xelq hökümiti >, yene biri - < Ishlepchiqirish Qurulush Bingtüeni >.
Xitay merkizi hökümitining bu ikki hökümetke tutqan siyasitimu periqliq bolup keldi, asrandi begzadisi Bingtüenge qarita bashtin – axir etibar bérish, asrash, béqip semirtish siyasitini qollanghan bolsa, yerlik qorchaq hökümetke qarita < özining yeghida özini qorush > siyasitini yürgüzdi.

Sherqiy Türkistandiki her derijilik qorchaq hökümetlerning, < meblegh yoq > dep zarlinip, Uyghur déhqanlirini mejburi hashargha heydep, ularni heqsiz halda déhqanchiliq, su insha’ati qurulushlirigha séliwatqan, yerlikler toplushup olturaqlashqan jenobiy royonlarning ma’arip, sehiye ishlirini tereqqiy qildurmay öz haligha tashlap qoyuwatqan bügünki künde, Xitay merkizi hökümitining biwaste meblegh ajritip, Bingtüenning herqaysi sahelirini uchqandek tereqqi qilduriwatqanliqi körülmekte.

Mesilen, < Bingtuan geziti > ning xewer qilishiche, peqetla ötken bir yil ichidila merkizi hökümet Bingtuange 910 milyon yuan meblegh ajritip, Bingtuanlik Xitaylarning 34 ming yürüsh kona turalghu öylirini yéngilap bergen, 51 milyon 910 ming yuan iqtisat ajritip, 133 ming Xitayning ichimlik su mesilisini hel qilip bergen, 85 milyon 650 ming yuan meblegh bilen 49 tuan – meydanning dohturxanisini yéngilap bergen, yene 200 milyon yuan bilen Bingtuan qarmighidiki ottura – bashlanghuch mekteplerning imaretlirini yéngilighan we maarip sestimisini zamaniwilashturush qurulushi élip barghan, 22 milyon 780 ming yuan meblegh bilen radio – téliwiziye ulap tarqitish nuxtiliri qurup, 100 ming Xitayni radio anglash we téliwiroz körüsh imkaniyitige erishtürgen.