Sherqiy Türkistanning Jenobiy Rayonliridiki Yerlik Xelq Ichide Tughulush Nisbitining Éship Bériwatqanliqi Xitay Hakimiyitini Chöchütmekte

<< Xinjiang Iqtisat Geziti > ning xewer qilishiche, Sherqiy Türkistanda Uyghurlar merkezliship olturaqlashqan namrat jenobiy rayonliridiki yerlik xelq ichide Tughulush nisbitining éship bériwatqanliqi, Xitay hakimiyitini qattiq chöchütken.
Uyghur xelqi teripidin < qanxor jallat > dep atalghan < Aptonom Rayonluq Partikom > ning bash sekritari Wang Lequan ötkende chaqirilghan < yéza xizmiti yighini > da qilghan sözide, yerlik xelqning kündin – künge namratliship ketishini, qandaqtur yerlik xelqning < pilandin sirt köp perzent körgenliki > ge artip, < eger bay bolimen diseng, balini az tugh > digen sepsetini kötürüp chiqqan we yerlik xelq ichide < pilanliq tughut > xizmitini yenimu kücheytish kerekligini tekitligen.

Wang Laquan nahayiti öktemlik bilen mundaq dep körsetken:
< Xinjiangda bu birqanche yildin buyan déhqanlarning kirimining éshish nisbiti tolimu asta boluwatidu, Kishi béshigha toghra kélidighan otturiche kirimning ashmasliqidiki asasliq amillirining biri – noposnung éshish süritining tez bolushidin ibaret, iqtisadi tereqqiyatning miwiliri noposning tez éship bérishi sewebidin nabut qilindi, bu birqanche yildin buyan Aptonom Rayonimizda nopusnung éshish süriti memliket boyiche aldinqi qatarda turup kelmekte, köpligen yéza – qishlaqlarda, bolupmu enobiy Xinjiangdiki azsanliq milletler toplushup olturaqlashqan namrat rayonlarda tughulush nisbiti biraz yuquri bolup, bu hal, iqtisadi tereqqiyat telibige zadila mas kelmeydu >.

Wang Laquan yighinda qilghan sözide, Sherqiy Türkistanda pilanliq Tughut Xizmitini yenimu kücheytip, noposnung köpüyishining aldini élish lazimliqini tekitligen.

Shu bir emiliyetki, Sherqiy Türkistan xelqining bügünkidek ach – yalingach halgha chüshüp qélishining asasliq seweplirining biri – mustemlikichi Xitay hakimiyitining yerlik xelqni iqtisadiy jehettin talan – taraj qilish, bu rayongha Xitay köchmini yötkeshni tezlitish siyasitidin ibaret bolup, chetellik iqtisadi analizchilar, eger Sherqiy Türkistan xelqi Musteqilliqqe eriship öz – özige xoja bolghan teqdirde, Germaniyedek dölettin 4 – 5 hesse chong bolghan bipayan zimini, pütmes – tügimes tebiy bayliqliri bilen kelgüside duyaning eng bay döletliri qataridin örun alalaydighanliqini texmin qilip kélishmekte. Ehwal shundaq iken, yene bügünki künge kelgende Xitay hakimiyitining qilche nomus qilmastin, Uyghurlarning Namratliq halitini ularning köp perzent körgenlikige baghlap qoyghanliqi, chetellerde yashawatqan Uyghurlarning Qattiq ghezipini qozghimaqta..