Ismayil Tiliwaldi, < Milliy Bölgünchi > lerge Zerbe Bérish Herikitining Uzun Muddet Dawam Qilidighanliqini Bayan Qildi

Xitayning ichki ölkiliridiki yerlik hakimiyetler iqtisatni tereqqi qildurup, Xitay xelqining turmush sewiyesini yoquri kötürüshni birinchi orungha qoyuwatqan bügünki künde, Sherqiy Türkistandiki qorchaq hakimiyetning pütün es – yadi atalmish < milliy bölgünchiler > ge zerbe bérishte qaldi.

Atalmish < Xinjiang Uyghur Aptonom Rayoni > ning Reyisi Ismayil Tiliwaldi 3 – ayning 7 – küni Beyjingda Xitay metbuatlirining ziyaritini qobul qilghanda, < Xinjiangda chegra ichi we sirtidiki milliy bölgünchi küchlerning azdurush we buzghunchiliq qilish heriketlirige zerbe bérish we unung aldini elish heriketlirini uzun muddet izchil dawamlashturidu, shundaqla < 3 xil küchler > ge qattiq zerbe bérip, Xinjiangning jemiyet muqumliqigha kapaletlik qilidu > dep körsetken.

Amerikidiki Ataghliq Xitay yazghuchisi Wang Lixiong ependi Chetellerdiki démokratik Xitay metbuatlirida elan qilghan bir maqalisida, < Zhung Gou hökümitining milliy bölgünchiler dep atiwalghini, emiliyette bolsa Xinjiangda Hökümettin we kommunistik partiyedin narazi bolghuchilar we ulargha qarshi chiqquchilardin ibaret > dep körsetken idi.

Emiliyettimu bu < Milliy bölgünchi > ler we < 3 xil küchler > bolsa özlirining insani, milliy, diniy we bashqa heq – hoqoqlirini telep qilghuchi we Xitay hakimiyitining mustemlikichilik siyasitige qarshi chiqquchi Sherqiy Türkistan xelqidin ibaret, xalas !

Dimek, qorchaq reyis Ismayil Tiliwaldining yuqarqi bayanliri, mustebit Xitay hakimiyitining biguna Sherqiy Türkistan xelqighe qaratqan zulum we basturush siyasitini bundin keyinmu izchil türde dawamlashturidighanliqini körsütüp turmaqta.