|
Sherrqiy Türkistan Informasyon Merkizining 8 - Mart Tebriki:
Sherrqiy Türkistanliq Xanim - Qizlarning
Bayrimini Qutluqlaymiz !
Bügün, 8 - mart Dunya Ayallar Bayrimi, bu
munasiwet bilen, weten ichi we sirtida yashawatqan pütün Sherqiy
Türkistanliq xanim - qizlirimizning bayrimini qutluqlaymiz we ulargha janabi
Allahtin bexit - sa'adet, amanliq, xatirijemlik we nusret tileymiz !
Erkin dunya döletliride yashawatqan xanim ? qizlar shatxoram we bextiyar
halda özlirining bayrimini tebriklewatqan bügünki künde, pütün insaniy heq -
hoqoqliri Xitay mustemlikichiliri teripidin tartip élinip, haywan kebi
yashashqa mejbur qilinghan Sherqiy Türkistanliq xanim - qizlar, bu bayramni
qayghu, hesret we umidsizlik bilen ichide qan yighlap qutluqlashqa mejbur
bolmaqta.
Bolupmu kommunist Xitay hakimiyitining <
pilanliq tughut siyasiti > niqawi astida Sherqiy Türkistan ayallirigha
qarita yürgüzüp kéliwatqan wehshiyane qilmishliri pütün dunya
jamaetchilikige ayan bolup kéliwatqan bügünki künde, qarnidiki 8 - 9 ayliq
balisi Xitay qassapliri teripidin mejburi élip tashlinip exlet döwilirige
tashliwétilgen, shundaqla < pilandin sirt hamile qalghan > digen böhtan
bilen éghir jerimaniler qoyulup ayilisi xaniweyran bolghan sansizlighan
anilarning dert - peryatliri we bu jeryanda qansirap ölgen aniliridin
ayrilghan narside balilarning yürekni lexte - lexte qilidighan échinishliq
yighiliri pütün Sherqiy Türkistan zimini qaplimaqta ?
Qisqisi hazir Sherqiy Türkistanliq xanim - qizlar yer sharida mewjut bolup
turghan eng wehshi, eng zulmetlik üsti ochuq türmide jan taliship yashashqa
mejbur bolmaqta, shundaq iken, ular qandaqmu Erkin Dunya Elliridiki xanim -
qizlarning bügünki xoshalliqigha we bayram tentenisige ortaq bolalisun ?
ular peqetla Sherqiy Türkistan Xitay mustemlikisidin qurtulup, bu muqeddes
ziminda ay - yultuzluq kök bayriqimiz tiklengen künila andin öz behtini
tapalaydu !
Axirida Pütün Sherqiy Türkistanliq xanim - qizlirimizning bayrimini
tebrikleymen !
Hörmet we ehtiram bilen:
Abdujelil Qaraqash
< Sherqiy Türkistan Informatsiyon Merkizi > ning reyisi
2006 - yil 3 - ayning 8 - küni
Germaniye - München
|
