|
Bing Tüenning 58 Tüen – Meydani Chegra Boylirigha Yerleshtürülgen
< Xinhua axbarat tori > ning bir xewiride,
nöwette Sherqiy Türkistanda mewjut bolup turiwatqan atalmish <
ishlepchiqirish qurulush armiyesi > ning herqaysi dewiziyeliri qarmighidiki
58 tüen – meydanining mehsus chegra boylirigha yerleshtürülgenliki bayan
qilindi, bu, atalmish < ishlepchiqirish qurulush armiyesi > ning qandaqtur
Xitay hökümiti bayan qilip kelginidek, < mehsusla dehqanchiliq bilen
shughullinidighan yeza igilik qoshuni > bolmastin, belki Xitay xelq azatliq
armiyesining chegrani qoghdaydighan zapas qoshuni ikenlikini körsütüp
turmaqta.
Nöwette Sherqiy Türkistanda mewjut bolup turghan < Bingtüen > ge qarashliq
tüenlerning omomiy sani 174 bolup, mezkur xewerde körsütülishiche, Xitay
hökümiti < 10 – besh yilliq pilan > mezgilide jemi 9 milyart 740 milyon
yüendin artuq meblegh selip, Sherqiy Türkistanda mewjut bolup turghan <
Bingtüen > qarmighidiki pütün tüenlerni bir – birige tutashturidighan
tashyol qurulushini tamamlighan, qaramay yatquzulghan bu tashyollarning
omomiy musapisi 31 ming 725 kilometir kelidiken.
< Bingtüen > ge tewe bolghan bu tashyollarning boyigha jemi 76 yolochilarni
toshughuchi aptobus biketliri tesis qilinghan bolup, yiligha bir milyondin
artuq yolochini toshush iqtidarigha ige iken.
Sherqiy Türkistandin kegen inkaslargha qarighanda, < Bingtüen > qarmighidiki
bu tashyollarning köp qismi yerlikler bilmeydighan mexpiy tashyollar bolup,
Bingtüenlik Xitaylar herqaysi yol eghizlirigha chazilarni quruwelip,
yerliklerning bu tashyollardin paydilinishini cheklep kelgen, yerliklermu bu
sirlik tashyollarni < barsa kelmes yol > dep atishidiken, chünki bu
yollargha uqushmay kirip qalghan yerliklerning beziliri iz – direksiz yoqap
ketidiken.
Sherqiy Türkistanning Uyghurlar olturaqlashqan köpligen yeza – qishlaqlirida
hetta ishek harwiliri bimalal mangalighudek sheghil yollarmu bolmighan
bügünki künde, Xitay hakimiyitining < Bingtüen > qarmighidiki tüen –
meydanlarni bir – birige tutashturush üchün shunche köp meblegh ajratqanliqi,
< Bingtüen > ning Xitay hakimiyiti üchün bolghan stratigiyelik ehmiyitini
körsütüp turmaqta.
|
