Adil Hushur Xitay Parlament Yighinida Pikir Bérip, Oqush Chiqimining Éghirliqidin Shikayet Qildi

Uyghur xelqi teripidin < Pelek Shahi > dep atalghan ataghliq dawaz Adil Hushur, nöwette Beijingda chaqiriliwatqan < memliketlik xeliq qurultiyi > ning muzakire yighinida pikir bérip, oqush chiqimlirining heddidin tashqiri éghirliqi tüpeylidin, Sherqiy Türkistanda universitet oqughuchilirining intayin qiyin ehwalda qalghanliqini otturigha qoyghan.

Adil Hushur hazir < memliketlik xeliq qurultiyi > ning wekili.
< Tianshen tor beti > ning 3 – ayning 6 – küni bergen xewiride körsütilishiche, Adil Hoshur muzakire yighinida pikir bérip shundaq dep körsetken:
< köpligen a'ililerning iqtisadi kirimi töwen bolghini üchün, ular bir ali mektep oqughuchisini oqutush üchün iqtisadi jehettin qatmu – qat qezirge boghulmaqta. Adettiki bir ali mektep oqughuchisining bir yilliq chiqimi turmush puli, qatnash puli qatarliqlarni qoshqanda eng az 7000 yüendin ashidu, köpligen ayililer tunji yilliq oqush rasxodini töliyeligen bilen, ikkinchi yiligha kelgende qoy – kalilirini sétishqa, undin kéyin öy – waqini sétip, qeriz sorashqa mejbur bolidu, mektep püttürgendin kéyinmu ish tapalmighachqa, nurghun ayililer ballirini ali mekteplerde oqutushni xalimaydighan bolup qaldi >.

Adil Hushur hökümettin, oqush chiqimini azaytish üchün Sherqiy Türkistanda internet tori arqiliq oqutush tüzimini yolgha qoyushni we mua'arip yardimini ashurushni telep qildi.