Uyghur Mesilisi Heqqide Sibriide Otturigha Qoyulghan Köz Qarash

2006.03.05 RFA

Yéqinda Sibriidiki Tomsk uniwérsitétining proféssori éwgéniy Sawkowich wladimirowichning "shangxey hemkarliq teshkilati ramkisi astidiki Uyghur mesilisi" namliq ilmiy maqalisi shu uniwérsitét teripidin élan qilinghan.

Aptor maqaliside Uyghur mesilisining ilgiriki waqitlarda moskwa bilen béyjing arisidiki mesile bolghan bolsa, 90-Yillargha kelgende uning Qazaqistan bilen Xitay arisigha köchkenlikini körsitish bilen, Nursultan nazarbayéwning 90-yillarning béshida Qazaqistanning Xitay bilen bolghan söhbetliridin közligen menpeetliri üchün Uyghur mesilisini qert qilip oynighanliqi, buning üchün nazarbayéwning bir mezgil Qazaqistan tupriqida Uyghur teshkilatlirining aktip paaliyetlirige yol qoyush taktikisi qollanghanliqini körsetken.

Aptorning qarishiche, shangxey hemkarliq teshkilatidin kéyin, bügünki künde nazarbayéw Uyghur mesilisige eksiche yol tutup, Xitay bilen bu mesilideyéqindin hemkarlashqan.

Xewerlerge qarighanda hazir Rusiyining Ottura Sibrie rayonidiki barnaul qatarliq sheherlerdiki aliy mekteplerdiki bir qisim alimlar arisida mexsus Uyghurlarni tetqiq qilish qizghinliqi qozghalghan iken.

Ötken yili, bu jaydiki alimlar Uyghurlar kelgüside musteqil dölet quralamdu yaki quralmamdu dégen téma üstide muzakire uyushturghan idi.(Ümidwar)