Xitay Aldimizdiki 20 yil Ichidimu Süper Küchke Aylinalmaydu

BBC de élan qilinghan, < Nime üchün Xitay shunche mohim ? > digen maozuda élan qilinghan maqalida, Amerika Niyotun Uniwersititidiki Dr.Ceng Rui Sheng ependining sözi neqil keltürülüp, özini, < Dunyadiki quduretlik küch > dep maxtap kelgen Xitay dölitining, kelgüsi 20 yil ichidimu Dunyaning Süper küchige aylinalmaydighanliqi ilgiri sürüldi.

Mezkur maqalida, Dr. Ceng Rui Sheng ependi, gerche Xitay tarixta nahayiti zor bir impiriye bolup ötken bolsimu, emma, 1840 – yilidin taki 1949 – yilighiche mustemlike astida yashap kelgenlikini, shundaqtimu yene Xitay xelqining, < Zhunggou, dunyadiki quduretlik bir dölet > digen qarashtin waz kechmigenlikini bayan qilip kelip, bügün dunyaning hemme yerini Xitayning mallirining qaplap ketkenlikini, Xitayning heqiqeten dunya iqtisadining muhim bir gewdisige aylanghanliqini, emma köpligen kishilerning Xitayning dunyadiki ornigha nisbeten müjimel qarashta bolup kelgenlikini, emma Xitayning kelgüsi 20 yil ichidimu dunyadiki süper küchke aylinish iqtidarigha ige emeslikini tekitlidi.