BBC'ning Xewiride, < Xitay Herbiy Küch Jehettin Qeghez Yolwastin Ibaret > dep körsütildi

Engiliye BBC'ning 2 – ayning 27 – küni bergen bir xewiride, Xitayning nöwettiki herbiy küchi heqqide toxtulup, Xitayning hazir 2 milyon 300 eskiri, 2000 urush ayrupilani, 100 din artuq urush paraxoti we 100 din artuq bashqurilidighan bombisi barliqi qeyt qilinip shundaq dep körsütülgen:
< Emma, analizchilarning qarishiche, Xitay herbiy küch jehettin qeghez yolwastin ibaret bolup, körünüshte köp bolghini bilen emiliyette kérekke kelmeydu, yuqarqilarning ichide emiliy kérekke kelidighini peqetla 100 neper xillanghan qismi, 300 urush ayrupilani we uzun musapiliq bashqurilidighan bomba orunlashturulghan su asti paraxotidinla ibaret >.

Yuqarqi xewerde yene, < Xelq azatliq armiyesining esliheliri kona, meshiq sewyesi töwen, arqasep yardem küchi ajiz, bashqurushi nachar we urush qilish jehette tejirbisiz. Xitay armiyesining asasliq stiratigiyelik nishani – Taiwenni qayturuwelishtin ibaret, emma merkizi Maniladiki < Ténch okyan stiratigiyelik analiz merkizidiki mutexesisler, Azatliq armiyesining bu jehettiki iqtidaridin guman qilishmaqta > dep körsütildi.

Mezkur maqalida, 2005 – yili Xitayning herbiy chiqimining 30 milyart Amerika dollirigha yetip, aldinqi yildikidin 12.6 pirsent ashqanliqi, emiliy chiqimning bolsa bunungdinmu yuquri ikenliki bayan qilindi.