Xitayning Kishilik Hoqoq Mesilisi Germaniye Jamaetchiliki Üchün Nazuk Mesililerning Biri

Gerche germaniye tashqi ministirining bu qetimqi Xitay ziyariti jeryanida, Kishlik hoqoq mesilisining otturigha qoyulup – qoyulmighanliqi heqqide chetel metbuatlirida hazirgha qeder eniq bir melumat bolmisimu, emma Germaniye metbuatliri, Xitayning kishilik hoqoq mesilisining germaniye jamaetchiliki üchün nazuk mesililerning biri ikenlikini, shunga Germaniye tashqi ishlar ministirining bu qetim Beiyjing da Xitay rehberliri bilen körüshkende, Kishilik hoqoq mesilisidin söz achmay qalmaydighanliqini ilgiri sürdi.
< Germaniye deplomatiye tetqiqat merkizi > ning bir neper Xitay ishliri mutexesisi yeqinda < Germaniye Dolqunliri > radiyosining ziyaritini qobul qilghanda bu heqte tohtulup, < Sabiq bash ministir Shröder hökümiti Xitay we Rosiyege nisbeten yumshaq we köngülcheklik siyasiti qollunup kelgen idi, Germaniye jamaetchiliki bolsa Siyasetchilerdin Xitayda saqliniwatqan Kishilik hoqoq mesilisini dadilliq bilen otturigha qoyushni izchil türde telep qilip keldi, shunga Germaniye tashqi ishlar ministiri bu qetimqi Xitay ziyaritide Germaniye jamaetchilikning bu jehettiki telep we ümitlirini nezerdin saqit qiliwetelmeydu, emma bu jehette biraqla chong bir özgürüshning bolushi mümkin emes > dep körsetti.