|
< Uygur - TV > Heqqide Uhturush
Hörmetlik Qerindashlar, < Sherqiy Türkistan
Informatsiyon Merkizi > teripidin tesis qilinghan < Uygur – TV > si barliq
hazirliqlirini tamamlap yéqinda sinaq teriqiside purogram tarqitish aldida
turmaqta, shunga sizlerni < Uygur – TV > si heqqide qisqiche melumatqa ige
qilish meqsidide ushbu uhturushni tarqattuq:
1. < Uygur – TV > ning meqsidi we ghayisi
< Uygur – TV >, Imformatsiyon merkizimiz teripidin tesis qilinghan we
merkizimizning ww.uygur.org tor béti arqiliq xewer – uchur tarqitidighan
internet teliviziye qanilidin ibaret.
< Uygur – TV > ning bashqurghuchi we tehnik xadimliri, ilgiri uzun yil
axbarat – neshriyat saheside xizmet qilghan, Germaniyede kespiy tehnik
terbiyesi alghan tejirbilik we iqtidarliq kishilerdin terkip tapqan.
< Uygur – TV > ning tüp meqsidi we ghayisi, dunya jamaetchilikini Sherqiy
Türkistan we Uyghurlar heqqidiki janliq we pakitliq melumatlargha ige qilish,
Xitayning Sherqiy Türkistan helqighe qarita yürgüziwatqan bésim we
qirghinchiliq siyasitini dunya jamaetchilikige pash qilish, xelqaraliq
axbarat wastilirini Sherqiy Türkistanning weziyiti heqqidiki eng yengi deili
– ispatliq matiriyallar we janliq körünüshler bilen teminleshke kapaletlik
qilish,Sherqiy Türkistan helqini dunyadiki yengi özgürüsh we yüzlinüshlerdin,
shundaqla demokratik pikir – eqimlardin xewerdar qilish arqiliq, ularning
dunya qarishining tereqqiy qilishi üchün hizmet qilishtin ibaret bolup, <
Uygur – TV >, Sherqiy Türkistan milliy musteqilliq herikitining dunyagha
échilghan yéngi bir penjirisidur.
2. < Uygur – TV > de berilidighan purogrammilar
heqqide
< Uygur – TV > si, yérim yilgha qeder sinaq teriqiside tarqitish beridu,
purogrammisi, weten heqqidiki körünüshlük xewerler, Sherqiy Türkistanning
türlük sahesige munasiwetlik mehsus mutehesisler bilen ötküzülgen janliq
söhbetler, xelqara weziyet we Uyghurlarning chetellerdiki paaliyetlirige
munasiwetlik ilmiy söhbetler, Uyghur muhajirlirining ötmüshi we bügünige
munasiwetlik mehsus purogrammilar, diniy sawat we diniy mezmondiki söhbetler,
Uyghur teshkilatliri we shehislerning paaliyetliri heqqidiki janliq
körünüshler … qatarliqlardin terkip tapidu.
< Uygur – TV >, Uyghur helqining tüp menpeetlirini chiqish nuqtisi qilghan
halda terepsiz we ilmiy shekilde anglitish beridu, milliy herikitimizning
terkiwidiki xilmu – xil pikir – éqimlar heqqide mehsus söhbetler uyushturidu.
Undin bashqa yene ösmürler purogrammisi, tarix we edibiyat – sen’et
purogrammiliri orunlashturulidu.
3. Yardem bérishignizlarni umid qilimiz
Dunyagha yéngidin köz échish aldida turghan < Uygur – TV > si, aldi bilen
janabi Allahning, undin qalsa wetenperwer Sherqiy Türkistanliq
qérindashlirimizning yardimige muhtaj.
Merkizimiz dunyaning herqaysi jaylirida istiqamet qilip turiwatqan
qérindashlirimizdin < Uygur – TV > sini yuqurida dep ötülgen türlük
mezmonlardiki filim – körünüshler bilen teminlishini umid qilidu,
paydilinish qimmiti yuquri bolghan höjjetlik filim we körünüshlerge muwapiq
derijide heq tölünidu, mesilen, Sherqiy Türkistanda yüzbergen jiddi
weqelerge munasiwetlik filim we resimler, Uygurlarning tarihigha we 30 – 40
– yillardiki milliy inqilabimizgha munasiwetlik tarixiy filim we resimler,
chetel muziylirida saqliniwatqan tarixiy eserlirimizge munasiwetlik körünüsh
we resimler … qatarliqlar.
Hörmet we éhtiram bilen:
Abduljelil Qaraqash
< Sherqiy Türkistan Informatsiyon Merkizi > ning reyisi
|
