Uyghur Ayallirining Échinishliq Teqdiri

Mikray Saki

Ana-balilarning hoquq-manpeetining kepallikke ige qilinishi bir döwletning tereqiyat sewiyisini körsitip béridighan muhim ölchem. Biraq wetinim Uyghuristandiki sansiz anilar we balilar bu ölchemdin tolimu yiraq

Chünki wetinimiz ziminda élip bériliwatkan atom-yadro siniqi, yimeklik süpitining nacharlishishi sewebidin adamlerning jismaniy we zéhniy quwwiti töwenlep barsa, yene bir tereptin türlük tughut cheklesh doriliri, opiratsiyeler ayallarning salametlikini kardin chiqirip, ularning köngülluk turmush kechürishige we xizmet, tijaret ishlirigha éghir tesir körsetmekte. Yézilarda bolsa tughut yishidiki ayallarni mejburi doxturhanlargha apirip ularning qarshiliq körsitishige qarimastin yeza doxturxanlirining qalaq kona, naqar operatsie saymanliri bilanla operatsiye qélip ömürlük miyip qélip qoymaqta we bu seweptin ölüp ketkenlerningmu sani nahayti köp. Biraq buning eksiche Uyghuristangha minglep, türkümlep keliwatqan Xitay aqqunliri bolsa 3 yaki 4 din balilarni egeshtürwalghan. Ularning her qandiqidin sorisingiz her birining nechchidin balliri barliqini éytip béridu. Ejiba Zhonghua xelq jumhiritining planliq tughut siyasiti Xitaylargha qaritilmay öz tuprighida atalmish "az sanlik" dep qaralghan Uyghurlargha chiqirilghanmu?

Atom yadro siniqi, ekélogielik muhitning zor derijide buzilishi, qatmu-qat siyasi bésim tüpeyli Uyghurlar eqli we jismaniy jehettin éghir hirisqa duch kelmekte. Bu nöwette dunya jamaetqilikining we biz Uyghurlarning jididiy oylinishqa we tedbir qollinishimizgha toghra kéliniwatqan éghir mesile.

Bizning ayallirimiz Yawropa ayalliridek özining kishilik hoquqidin toluq behriman bolush pursitidin tolimu yiraqta. Ular bu yerdikidek tughutning aldi-keynidiki heqsiz tekshürüsh, dawalinish, tughush we üq yilghiche hökimet hirajitidin toluq behriman bolush hoquqigha ige emes. Uyghur ayalliri tughup 3 aydila héch qandaq bala béqish terbiyisi körmigen hem téxi özi bala bala baqquchigha 3 ayliq balisini béqishqa tapshurup ishleshke mejbur. Qünki iqsadi turmush shundaq qilishqa mejburlaydu.

Men bir ana we bir ayal bolush süpitim bilen Uyghuristandiki japakesh, tirikchilik helekchilikide mukchiyip qalghan, Allah özige ata qilghan perzent tughush pursitigimu erishelmey zar-zar qahshap yürgen Uyghur ayallirining bu dunyadiki orni heqqide oylighanlirim nahayti köp. Hazir Xitay hökümiti bir tereptin planliq tughut siyasiti, bir tereptin asmilatsie arqiliq biz Uyghurlarni shu göher ziminimizdin yoq qilishqa herket qilmaqta. Bu mumkinmu?
Xarliship öz ejdadining seltenetini séghinip yash tökken ajiz milletlernimu Xuda mengülük asaretke mehkum qiliwetkini yoq.................

Shundaq iken bizdek keng bay ziminning igisi, batur, jesur Sutuq Bughraxanning ewladi elwette azab ichide qayta törilishimiz, azap ichide qayta oyghinishimiz, azap ichide köresh qilish iradisini yitildürüp öz mustaqilliqimiz üqün köresh qilishimiz ayallar we ballilarni qutuldurwilishimiz, dunyadiki hör milletlar qataridin orun élishimiz kérak.