Enqerede Ghulja Qetliamining 9 yilliqi Munasiwiti Bilen Xitaygha Qarshi Namayish Ötküzüldi

Öz xewirimiz. Türkiyediki Sherqiy Türkistan medeniyet we hemkarliq jemiyitining teshkillishi bilen 2- ayning 5-küni Xitayning Enqerediki bash eichixanisi aldida naraziliq namayishi ötküzüldi.

2-ayning 5-küni İstanbul waqti 12:00 de İstanbul we Enqerede turushluq Sherqiy Türkistanliq köchmenlerdin 50 kishi Enqerediki Xitay elchixanisi aldigha yighilip xitay tajawuzchilirining 1997-yili Ghuljida elip barghan kollektip qetliamini ghezep bilen eyiplidi. Namayishchilar qollirida Sherqiy Türkistanning ay- yultuzluq kök barriqi we Türkiyening bayraqlirini, xitay tajawuzchiliring Sherqiy Türkistanda elip beriwatqan qirghinchiliq we eghir milliy zulumlirini eks ettüridighan wiwiskilarni kötürüshüp xitay tajawuzchilirigha bolghan ghezep nepritini namayen qildi.

Enqerediki Sherqiy Türkistan medeniyet we hemkarliq jemiyiti re’isi Heyrullah Efendigil xitay tajawuzchilirining 1997- yili 5- fewral küni we uningdin keyin Sherqiy Türkistanning İli, Tarbaghatay, Altay wilayetliride 61 ming Uyghurni qolgha elip, uning ichide 8000 din köprekige ölüm jazasi, qalghanlirigha bolsa 1 yilliqtin 25 yilliqqiche muddetlik qamaq jazasi höküm qilip zor kölemde qanliq basturush elip barghanliqini, Sherqiy Türkistanda 50 qetimgha yeqin yadro siniqi elip berip 750 mingdin artuq Sherqiy Türkistanliqni zeherlep öltürgenlikini, 500 mingdin artuq Uyghurni türlük siyasi betnamlar bilen qanliq basturghanliqini qattiq eyiplep nutuq sözlidi.

Namayishni 100 din artuq Tük saqchi qoghdidi. Tükiyediki TRT, ATV qatarliq telewiziye we gezit- jornal muxbirliridin 20 ge yeqin kishi namayishni ziyaret qildi.

Tajawuzchi,terrorchi, dektator Xitay hakimiyitining depne murasimi üchün xitay elchixanisia qara gül chembirek teqdim qilindi.

Sherqiy Türkistan Axbarat Merkizi
Erkin Ezizi
2006-yili 2-ayning 5-küni